13 NZERI 20232023 | YAHUJWE N’IGIHE KU ITARIKI YA 12 WERURWE 2024
U BURUSIYA

AMAKURU MASHYA—MUSHIKI WACU YAHAMIJWE ICYAHA | “Nishimira kuba ndi Umuhamya wa Yehova!”

FUNGURA

Ku itariki ya 1 Werurwe 2024, urukiko rw’akarere ka Sovietskiy ruri mu mujyi wa Oryol, rwahamije icyaha Tatyana Piskareva kandi rumukatira igifungo cy’imyaka ibiri n’amezi atandatu akora imirimo y’agahato. Bizaba ngombwa ko aba mu kigo azakoreramo iyo mirimo mu gace azakoreramo.

Icyo twamuvugaho

Tatyana Piskareva

Igihe yavukiye: 1956 (Belenikhino mu ntara ya Belgorod)

Ibimuranga: Akora akazi k’icungamutungo

Yashakanye na Vladimir mu mwaka wa 1976. Bafite abana babiri.

Yumvise ibyerekeye Abahamya ba Yehova bwa mbere abibwiwe n’umuturanyi we. Yashimishijwe cyane n’uburyo bagaragarizanya urukundo n’uburyo basobanukiwe Bibiliya. We na Vladimir bombi babatijwe mu mwaka wa 1995

Vladimir yafashwe ku itariki ya 9 Ukuboza 2020 maze ku itariki ya 11 Ukuboza 2020, afungwa by’agateganyo. Igihe twandikaga iyi nkuru yari akiri muri gereza

Ibyo yavuze

Ni uwuhe murongo wo muri Bibiliya wagufashije kwihanganira gufungwa k’umugabo wawe ndetse n’ibyaha bagukurikiranyeho?

Amagambo ari muri Zaburi 139:4, 5 yambereye isoko ry’ihumure. Ayo amagambo agira ati: “Niyo ururimi rwanjye rutaravuga ijambo, Yehova, uba warimenye ryose uko ryakabaye. Wangose unturutse imbere n’inyuma;Wanshyizeho ukuboko kwawe.” Iyo mpuye n’ibibazo bikomeye, nkomeza kuzirikana ko Yehova ari kumwe nanjye kandi mba nizeye ko ashobora kumfasha nkihanganira ibigeragezo byose nahura na byo. Ubu mfite amahoro yo mu mutima n’umutuzo mwinshi. Niyemeje kurushaho kubwira abandi ibyerekeye Yehova. Rwose nishimira kuba ndi Umuhamya wa Yehova!

Kimwe na Tatyana, kuba tuzi ko duhagarariye Yehova, biradukomeza, bikaduhumuriza kandi buri gihe aduhora hafi. Twishimira kuba Abahamya be.—Yesaya 44:8.

Uko ibintu byagiye bikurikirana

Ku itariki ya 9 Ukuboza 2020

Basatse urugo rwa Tatyana na Vladimir. Vladimir bamujyanye kuri sitasiyo ya polisi
Ku itariki ya 11Ukuboza 2020

Vladimir yafunzwe by’agateganyo
Ku itariki ya 28 Ukwakira 2021

Ni bwo Tatyana yakorewe idosiye
Ku itariki ya 10 Mata 2023

Ni bwo urubanza rwatangiye

Reba nanone

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU