25 GICURASI 2022
U BURUSIYA

AMAKURU MASHYA | “Nta mpamvu yo kugira ubwoba”

FUNGURA

Ku itariki ya 25 Gicurasi 2022, Urukiko rw’Akarere ka Metallurgichesky muri Chelyabinsk, rwahamije icyaha umuvandimwe Pavel Popov maze rumukatira igifungo gisubitse cy’imyaka itandatu, kandi ntibizaba ngombwa ko ajyanwa muri gereza.

Uko ibintu byagiye bikurikirana

Tariki ya 26 Werurwe 2019

Itsinda ry’abantu icumi bipfutse mu maso kandi bitwaje imbunda n’inyundo bateye urugo rw’umuvandimwe Pavel kandi bararusaka
Tariki ya 22 Mata 2021

Urubanza rwaratangiye
Tariki ya 18 Gicurasi 2021

Abayobozi bongeye kujya gusaka urugo rwa Pavel. Umugore wa Pavel witwa Yelena n’umukobwa wabo w’imyaka 13 barabajyanye babahata ibibazo
Tariki ya 31 Kanama 2021

Yashyizwe ku rutonde rw’abantu bakora ibikorwa by’iterabwoba n’intagondwa
Tariki ya 29 Ugushyingo 2021

Yatangiye kuburana

Icyo twamuvugaho

Pavel Popov

Igihe yavukiye: 1977 (Novokuznetsk, mu gace ka Kemerovo)

Ibimuranga: Yatangiye kunywa itabi n’inzoga akiri muto kubera ibibazo byo mu muryango. Igihe yari afite imyaka 15 papa we yarapfuye. Akora akazi ko gusudira

Yatangiye gushishikazwa n’ibya Bibiliya igihe yamenyaga ko Imana idusezeranya ko isi izaba paradizo iteka ryose. Abahamya ba Yehova batangiye kumwigisha Bibiliya mu mwaka wa 1994. Yatangajwe n’ukuntu ubuhanuzi buvugwa muri Bibiliya busohora nta kwibeshya. Yabatijwe mu mwaka wa 1995

Yashakanye na Yerena muri 2003. Bafitanye umwana umwe w’umukobwa

Ibyo yavuze

Ni iki cyagufashije kutaganzwa n’ubwoba?

Yesu yavuze ko nibatujyana imbere y’abategetsi, tuzaboneraho uburyo bwo kubabwiriza (Matayo 10:18). Wenda si ho hantu heza ho kubwiriza cyangwa hashimishije ariko Yehova hamwe n’abavandimwe baramfasha nkabishobora. Ibyo bituma ntakomeza kugira ubwoba. . . . Nkurikije uko nabyiboneye imanza nyinshi zikurikirwa n’imigisha. Iyo nkoze uko nshoboye ngakomeza kubwira abandi iby’izina ry’Imana n’Ubwami bwayo, bituma nikuramo ubwoba kandi bigatuma ntacika intege.

Tuzi neza ko Yehova azakomeza gushyigikira no kugororera abagaragu be bakomeza kuba indahemuka mu gihe bahanganye n’ibigeragezo.—2 Samweli 22:19-21.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU