Ku itariki ya 3 Kanama 2023, Urukiko rw’umujyi wa Bikinskiy ruherereye mu gace ka Khabarovsk rwahamije icyaha umuvandimwe Sergey Kazakov. Urukiko rwamuciye amande angana n’amafaranga y’u Rwanda asaga 6.048.000.

1. Ku itariki ya 9 Ugushyingo 2020

   Ni bwo yatangiye gukurikiranwaho ibyaha. Yashinjwe gukora ibikorwa by’ubutagondwa

2. Ku itariki ya 21 Ukuboza 2020

   Ibiro bishinzwe iperereza n’abapolisi bo mu rwego rushinzwe ubutasi basatse ingo icumi z’Abahamya ba Yehova harimo n’urwa Sergey. Icyo gihe yarafashwe maze ashyirwa muri kasho

3. Ku itariki ya 23 Ukuboza 2020

   Yoherejwe aho azafungirwa by’agateganyo

4. Ku itariki ya 4 Kamena 2021

   Yararekuwe ava muri gereza afungishwa ijisho

5. Ku itariki ya 5 Kanama 2021

   Yavaniweho gufungishwa ijisho

6. Ku itariki ya 28 Gashyantare 2022

   Ni bwo urubanza rwatangiye. Igihe yajyaga mu rukiko bwa mbere, umucamanza yategetse ko ibyo aregwa byasubizwa mu bushinjacyaha kubera ko hari amakosa yakozwe n’ubushinjacyaha

7. Ku itariki ya 28 Mata 2022

   Umucamanza nawe yasabye ko umwanzuro w’urubanza wasubizwa mu bushinjacyaha kandi bakongera gusubiramo urubanza

8. Ku itariki ya 14 Kamena 2022

   Urubanza rwarasubukuwe

Sergey akomeje kwiringira Yehova. Twifatanya na we mu kuvuga amagambo yo muri Zaburi 31:14, agira ati: “Yehova, ni wowe niringira. Naravuze nti “uri Imana yanjye.”