16 GICURASI 2022 | YAHUJWE N’IGIHE: 3 MATA 2023
U BURUSIYA

AMAKURU MASHYA—YAKATIWE IGIFUNGO | Sergey Ananin yarushijeho kwiringira Yehova

FUNGURA

Ku itariki ya 31 Werurwe 2023, urukiko rw’umugi wa Belovo rwo mu mugi wa Kemerovo rwahamije icyaha umuvandimwe Sergey Ananin kandi rumukatira igifungo cy’imyaka itandatu. Akiva mu rukiko yahise ajyanwa muri gereza.

Uko ibintu byagiye bikurikirana

Ku itariki ya 9 Gashyantare 2021

Ni bwo urubanza rwatangiye. Uwo muvandimwe yashinjwaga ko ashyigikira umuryango ukora ibikorwa by’ubutagondwa
Ku itariki ya 14 Gashyantare 2021

Yarafashwe afungwa by’agateganyo
Ku itariki ya 16 Gashyantare 2021

Yatangiye gufungishwa ijisho
Ku itariki ya 25 Mutarama 2022

Urubanza rwatangiye kuburanishwa

Icyo twamuvugaho

Sergey Ananin

Igihe yavukiye: 1967 (Shchuchye, mu gace ka Kurgan)

Ibimuranga: Azi gucuranga gitari. Yabanje gufungirwa mu rugo, yakoraga mu ruganda

Yashakanye na Yelena mu mwaka wa 1988. Afite abana babiri b’abakobwa

Abahamya ba Yehova batangiye kumwigisha Bibiliya mu mwaka wa 1995. Bombi babatijwe mu mwaka wa 1996

Ibyo yavuze

Ese hari umurongo wo muri Bibiliya watumye urushaho kwiringira Yehova?

Muri Zaburi 113:5-7 hagira hati: “Ni nde uhwanye na Yehova Imana yacu, we utuye hejuru cyane? Aca bugufi kugira ngo arebe ijuru n’isi, azamura uworoheje amukuye mu mukungugu; ashyira umukene hejuru amukuye mu ivu.” Mu yandi magambo, Yehova ntareba gusa ibintu bitubaho, ahubwo aca bugufi akatwitegereza bihagije. . . . Ibibazo byose duhura na byo Yehova arabibona kandi yiteguye kugira icyo akora. . . . Ibyo maze kubisobanukirwa numvise ntuje, ndushaho kumwiringira kandi byamfashije no gukomeza kumubera indahemuka.

Twizeye ko Yehova azakomeza gukunda, gufasha no guha imigisha abagaragu be bo mu Burusiya n’abandi bo hirya no hino ku isi bakomeza kumubera indahemuka.—Malaki 3:10.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU