24 KANAMA 2022
U BURUSIYA

Gutekereza ku bandi bifasha abavandimwe kwihangana

FUNGURA

Urukiko rwo mu mugi wa Taiginskiy, rwo mu ntara ya Kemerovo ruzatangaza umwanzuro w’urubanza ruregwamo abavandimwe babiri ari bo Maksim Morozov na Yuriy Usanov. Umucamanza ntaratangaza igihano yabasabiye

Uko ibintu byakurikiranye

Ku itariki ya 1 Mata 2021

Nibwo Dosiye ya Yuriy yatangiye bamushinja ko yateguraga amateraniro atemewe
Ku itariki ya 2 Mata 2021

Abayobozi basatse inzu ya Yuriy mu gihe cy’amasaha 3. Yarafashwe bajya kumufunga by’agateganyo
Ku itariki ya 4 Kanama 2021

Urubanza ruregwamo Maksim rwaratangiye
Ku itariki ya 6 Kanama 2021

Maksim yarafashwe maze arafungwa
Ku itariki ya 7 Kanama 2021

Ubushinjacyaha bwamubwiye ibyaha aregwa maze ajyanwa gufungwa by’agateganyo
Ku itariki ya 16 Gicurasi 2022

Urubanza rwaratangiye

Icyo twamuvugaho

Maksim Morozov

Igihe yavukiye:1983 (Volgograd mu ntara ya Volgograd)

Ibimuranga: Yabaye umusirikare. Nyuma yaho yabaye umushoferi w’amakamyo

Amaze kuva mu gisirikare yatangiye kwigana Bibiliya n’Abahamya ba Yehova. Yabatijwe mu mwaka wa 2009

Ibyo yavuze

Ni iki cyagufashije gukomeza kugira ibyishimo igihe wari ufunze?

Mfite Bibiliya kandi nyisoma buri munsi. Nshimishwa no gusoma amabaruwa ya Pawulo avuga ukuntu yari afungishijwe iminyururu. Icyo gihe ntiyibandaga ku bibazo yari afite ahubwo yibandaga ku murimo wa Yehova.

Nanone kumva ko ntari njyenyine byatumaga ntiheba. Nshyigikiwe na Yehova, Yesu, abamarayika benshi ntibagiwe n’abavandimwe na bashiki bacu. Muri videwo ya Kalebu na Sofiya twabonye ukuntu abamarayika babigenje igihe abana bakoraga ibintu byiza ku ishuri. Ibyo byanyeretse ko igihe cyose mpuye n’ibigeragezo ngomba kubona ko ari igihe cyiza cyo kwereka Yehova ko ndi indahemuka. Ibyo byatumye nirinda gutekereza cyane ku bibazo byanjye ahubwo nkibanda ku kuntu Yehova ambona.

Yuriy Usanov

Igihe yavukiye: 1991 (Gorno-Chuisky, mu gace ka Irkutsk)

Ibimuranga: Yakoze ibijyanye n’amashanyarazi no gusudira. Yamenye byinshi kuri Yehova akiri muto igihe yari kumwe na nyina. Yabatijwe mu mwaka wa 2007

Yashakanye na Irina mu mwaka wa 2021

Ibyo umugore wa Yuriy Irina a

Ni mu buhe buryo Yuriy yaguteye inkunga nubwo yari afunze?

Ntitwari twemerewe kumusura imbonankubone cyangwa kuvugana kuri terefone. Kwandika amabaruwa ni byo byonyine byadufashije nubwo na yo hari igihe yamugeragaho atinze. Nubwo atari kimwe no kuganira imbonankubone, twakomeje gukora uko dushoboye ngo duterane inkunga.

Nkumbuye kuvugana na we imbonankubone no gusomera Bibiliya hamwe. Ariko muri buri baruwa yanyandikiraga yanyohererezaga imirongo yo muri Bibiliya yamuteye inkunga. Hari n’igihe yanyohererezaga imirongo iteye inkunga abantu bagiye bamwandikira mu mabaruwa. Ayo mabaruwa yatumye tumera nk’aho dukora icyigisho cy’umuryango. Nanone ntiyigeze yibagirwa kunyibutsa ko Yehova ankunda kandi ko azaduha imigisha. Nanone Yuriy yanyijeje ko acyinkunda kandi aha agaciro ibyo nkora byose. Nubwo ibyo bintu bisa n’ibyoroheje, byanteye inkunga cyane.

Tuzi ko Yehova yishimira umuco wo kwigomwa abo bavandimwe na bashiki bacu bagaragaza. Twizeye neza ko Yehova azakomeza kubaha imigisha ubu no mu gihe kizaza.—Abaheburayo 11:26.

a Igihe twateguraga iyi nkuru, umuvandimwe Usanov yari afunzwe by’agateganyo. Ntibyadushobokeye kumuvugisha.

Ibindi wamenya

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU