30 MUTARAMA 2024
U BURUSIYA

Mushiki wacu Sona Olopova yakatiwe igifungo cy’imyaka ibiri akora imirimo y’agahato

FUNGURA

Ku itariki ya 25 Mutarama 2024, urukiko rwa Tsentralniy rwo mu karere ka Tolyatti mu gace ka Samara, rwahamije icyaha mushiki wacu Sona Olopova runamukatira imyaka ibiri y’igifungo akora imirimo y’agahato. Iyo mirimo azayikora anaba muri gereza.

Icyo twamuvugaho

Sona Olopova

Igihe yavukiye: 1987 (muri Arumeniya)

Ibimuranga: Umuryango we wimukiye mu Burusiya igihe yari afite imyaka 10. Yakoraga akazi ko gusiga abantu ngo barusheho gusa neza

Mama we ni we wamwigishije Bibiliya. Yabatijwe mu mwaka wa 2000, aba Umuhamya wa Yehova

Yashakanye na Anatoliy mu mwaka wa 2009

Ibyo yavuze a

Ni iki cyagufashije gukomeza kugira ukwizera gukomeye muri ibi bihe bitoroshye?

Mvugishije ukuri, hari igihe gushyira ibintu by’ingenzi mu mwanya wa mbere byangoraga. Urugero, hari igihe kwitegura urubanza byantwaraga umwanya munini cyane. Umunsi umwe, ndi gusoma impapuro zijyanye n’urubanza rwanjye naratekereje nti: “Ibi ngomba kuba mbihagaritse nkabanza ngasenga kandi ngasoma Bibiliya kugira ngo numve ibyo Yehova ambwira. Nyuma yaho ni bwo ndi bukomeze kwitegura urubanza.” Nizeye ntashidikanya ko ninkomeza gushyira ibintu by’ingenzi mu mwana wa mbere kandi nkiringira Yehova, ibintu byose bizagenda neza.

Twiringiye ko Yehova azakomeza kurinda mushiki wacu Sona n’abandi bagaragu be b’indahemuka bakomeje kumwiringira.—Zaburi 86:2.

Uko ibintu byagiye bikurikirana

Ku itariki ya 15 Gicurasi 2023

Ni bwo yatangiye gukurikiranwa mu nkiko
Ku itariki ya 16 Gicurasi 2023

Inzu ye barayisatse, bamuhata ibibazo kandi bamubuza gukora ingendo
Ku itariki ya 6 Nzeri 2023

Ni bwo urubanza rwatangiye
Ku itariki ya 25 Mutarama 2024

Yakatiwe igifungo cy’imyaka ibiri akora imirimo y’agahato kandi ari muri gereza

a Twagiranye ikiganiro na mushiki wacu Olopova mbere y’uko ajya muri gereza.

Reba nanone

AMAKURU

Bafunzwe bazira ukwizera kwabo—U Burusiya

Abahamya ba Yehova bo mu Burusiya bagiye bafungwa bazira ukwizera kwabo. Menya amateka yabo kandi ku rubuga rwacu urahabona urutonde rw’abakiri muri gereza.

AMAKURU