21 KAMENA 2017
U BURUSIYA
Videwo igaragaza ukuntu abapolisi bo mu Burusiya basheshe amateraniro y’Abahamya
NEW YORK—Ku itariki ya 25 Gicurasi 2017, hari videwo yerekanwe mu makuru yo kuri televiziyo yitwa glavny.tv igaragaza ukuntu abapolisi b’Abarusiya bitwaje intwaro hamwe n’abandi bantu bakora mu rwego rw’ubutasi basheshe amateraniro y’Abahamya bo mu mugi wa Oryol.
Ku itariki ya 25 Gicurasi 2017, Abapolisi bitwaje intwaro basheshe amateraniro y’Abahamya bo mu mugi wa Oryol mu Burusiya.
Iyo videwo igaragaza Dennis Christensen, ukomoka muri Danimarike avugana n’abo bapolisi. Yahise afungwa kandi kugeza ubu ntaracirwa urubanza.
Dennis Christensen, ukomoka muri Danimarike kandi akaba ari n’umusaza w’itorero yagaragaye kuri videwo ari kuvugana n’abapolisi. Yafunzwe n’Ibiro Bishinzwe Ubutasi kuva itariki ya 25 Gicurasi 2017.
David A. Semonian, umuvugizi w’Abahamya ba Yehova ku kicaro gikuru yaravuze ati “iyo videwo igaragaza neza ukuntu Abahamya ba Yehova bitwara neza ndetse n’igihe abayobozi baba babotsa igitutu bashaka ko badakomeza kuganira kuri Bibiliya. Abahamya ba Yehova bazongera kubona umudendezo ari uko Urukiko rw’Ikirenga rw’u Burusiya rubarenganuye. Nanone twese duhangayikishijwe n’uko Dennis Christensen abayeho kuko atemerewe gusurwa cyangwa kuvugana n’umugore we. Twizeye ko vuba aha azafungurwa kuko afunzwe arengana.”
Ushinzwe amakuru:
David A. Semonian, Ibiro Bishinzwe Amakuru, +1-845-524-3000
Ibindi wamenya
AMAKURU
Videwo igaragaza ukuntu abapolisi bo mu Burusiya basheshe amateraniro y’Abahamya
Ku itariki ya 25 Gicurasi 2017, abapolisi bitwaje intwaro n’abo mu rwego rushinzwe ubutasi basheshe amateraniro y’Abahamya bo mu mugi wa Oryol mu Burusiya.
AMAKURU
Umuhamya wa Yehova wo muri Danimarike afungiwe mu Burusiya
Abahamya ba Yehova bo mu Burusiya bakorerwa urugomo n’ibindi bikorwa by’ivangura.
AMAKURU
Umwanzuro w’Urukiko rw’Ikirenga rwo mu Burusiya wagize ingaruka ku Bahamya
Uwo mwanzuro watumye Abahamya basuzugurwa kandi unatuma abantu bamwe na bamwe ndetse n’abayobozi babona urwaho rwo kubahohotera nk’uko twabibonye.
AMAKURU
Abahamya ba Yehova batsinzwe urubanza mu Burusiya
Abahamya ba Yehova bazajurira umwanzuro wafashwe n’urukiko wo gufunga Ibiro Bikuru byabo byo mu burusiya.
AMAKURU
Urukiko rw’Ikirenga rw’u Burusiya ruzumva ubujurire bw’Abahamya ba Yehova ku itariki ya 17 Nyakanga 2017
Abahamya basaba urukiko ko rwasesa umwanzuro uherutse kubafatirwa. Banavuga kandi ko uwo mwanzuro ushingiye ku bimenyetso bidafite ishingiro, kandi ko badahamwa n’icyaha cy’ubutagondwa.