Ni iki Imana idusaba?
Icyo Bibiliya ibivugaho
Imana yifuza ko uyimenya, ukamenya ko iriho koko, ukayegera hanyuma ukayikunda kandi ukayikorera ubigiranye umutima wawe wose (Matayo 22:37, 38; Yakobo 4:8). Ubuzima bwa Yesu n’inyigisho ze bishobora kugufasha kumenya icyo Imana idusaba (Yohana 7:16, 17). Yesu ntiyavugaga ibyo Imana ishaka mu magambo gusa, ahubwo yaranabikoraga. Koko rero, Yesu yavuze ko intego ye atari ‘ugukora ibyo ashaka, ahubwo [ko] yazanywe no gukora ibyo uwamutumye ashaka.’—Yohana 6:38.
Ese kugira ngo menye ibyo Imana idusaba, ni ngombwa ko mbona ikimenyetso cyangwa iyerekwa?
Oya, kuko Bibiliya irimo ubutumwa Imana yifuza kugeza ku bantu. Irimo ibyo ukeneye ‘byose kugira ngo ukore umurimo mwiza wose’ (2 Timoteyo 3:16, 17). Imana yifuza ko ukoresha Bibiliya n’‘ubushobozi bwawe bwo gutekereza’ kugira ngo umenye icyo igusaba.—Abaroma 12:1, 2; Abefeso 5:17.
Ese dushobora gukora ibyo Imana idusaba?
Yego rwose, kuko Bibiliya igira iti “amategeko yayo si umutwaro” (1 Yohana 5:3). Ibyo ntibishatse kuvuga ko kumvira amategeko y’Imana buri gihe biba byoroshye. Ariko inyungu uzabona nta ho zizaba zihuriye n’imihati uzashyiraho. Yesu yarivugiye ati “hahirwa abumva ijambo ry’Imana bakarikomeza!”—Luka 11:28.
Ibindi wamenya
IBIBAZO BISHINGIYE KURI BIBILIYA
Bibiliya ivuga iki ku birebana n’uburenganzira bwo kwihitiramo ibitunogeye? Ese Imana ni yo igena ibizatubaho?
Abantu benshi bemera ko ibizababaho bigenwa mbere y’igihe. Ese amahitamo yacu agira ingaruka ku bizatubaho?
INYIGISHO Z’IBANZE ZO MURI BIBILIYA
Ese abantu bashobora kuba incuti z’Imana?
Hashize imyaka myinshi abantu bifuza kumenya Umuremyi wabo. Bibiliya ishobora kudufasha tukaba incuti z’Imana. Ubwo bucuti butangira iyo tumenye izina ry’Imana.
UMUNARA W’UMURINZI
Kuki ndiho?
Abantu benshi batekereza ko amafaranga no kuba icyamamare ari byo bintu by’ibanze, icyora hari ibindi byinshi.
IBISOBANURO BY’IMIRONGO YO MURI BIBILIYA
Yeremiya 29:11—“Nzi neza ibyo ntekereza kubagirira”
Ese Imana ifitiye umugambi buri muntu ku giti ke?
UMUNARA W’UMURINZI
Ese ukora ibyo Imana ishaka?
Nubwo kumvira Imana ari iby’ingenzi cyane, hari ikindi kintu tugomba gukora kugira ngo tugirane ubucuti na yo.
