Kronika Wakutoma 24:1-31
24 Iyi ikhali misoka ya madzindza a Aroni: Ana a Aroni akhali Nadhabhe, Abhiyu,+ Eleazare na Itamari.+
2 Nadhabhe na Abhiyu afa pai wawo mbadzati kufa;+ iwo afa mbadzati kubala ana; mbwenye Eleazare+ na Itamari apitiriza kutumikira ninga anyantsembe.
3 Dhavidhi na Zadhoke+ wa dzindza ya Eleazare, pabodzi na Aimeleki wa dzindza ya Itamari, aagawa mu nsoka ubodzi na ubodzi toera aphate mabasa awo.
4 Nakuti dzindza ya Eleazare ikhali na atsogoleri azinji kupiringana dzindza ya Itamari, iwo aagawa mwakubverana na kunjipa kwawo: Dzindza ya Eleazare ikhali na atsogoleri 16 mwakubverana na mbumba zawo, dzindza ya Itamari ikhali na atsogoleri asere mwakubverana na mbumba zawo.
5 Kusiyapo pyenepi, iwo aagawa mwakubverana na pidapangiza pidzindikiro+ m’misoka miwiri ene pabodzi pene, thangwi mu dzindza ya Eleazare na ya Itamari mukhali na atsogoleri akhaonera mbuto yakucena na atsogoleri akhatumikira Mulungu wandimomwene.
6 Buluka penepo, Semaya mwana wa Netaneli, wakuti ndi mulembi wa Alevi alemba madzina awo pamaso pa mambo, atsogoleri, nyantsembe Zadhoke,+ Aimeleki+ mwana wa Abhiyatari,+ atsogoleri a madzindza a anyantsembe na madzindza a Alevi. Ukhasankhulwa nsoka wa dzindza ya Eleazare na nsoka wa dzindza ya Itamari.
7 Pidasaka iwo pidzindikiro, adasankhulwa ndi awa: Wakutoma ndi Yeoyaribhi, waciwiri ndi Yedhaya,
8 wacitatu ndi Arimu, wacinai ndi Seorimu,
9 wacixanu ndi Malkiya, wacitanthatu ndi Miyamini,
10 wacinomwe ndi Akozi, wacisere ndi Abhiya,+
11 wacipfemba ndi Yesuwa, wacikhumi ndi Sekaniya,
12 wacikhumi na m’bodzi ndi Eliyazibhe, wacikhumi na waciwiri ndi Yakimu,
13 wacikhumi na wacitatu ndi Upa, wacikhumi na wacinai ndi Yesebheabhi,
14 wacikhumi na wacixanu ndi Bhilga, wacikhumi na wacitanthatu ndi Imeri,
15 wacikhumi na wacinomwe ndi Eziri, wacikhumi na wacisere ndi Apizezi,
16 wacikhumi na wacipfemba ndi Petaiya, wacimakumawiri ndi Yezikeli,
17 wacimakumawiri na m’bodzi ndi Yakini, wacimakumawiri na waciwiri ndi Gamuli,
18 wacimakumawiri na wacitatu ndi Dhelaya, wacimakumariri na wacinai ndi Maziya.
19 Awa ndi mabasa akhafunika iwo kuphata+ mu ndzidzi ukhapita iwo n’nyumba ya Yahova mwakubverana na pitsogolero pidakhazikiswa na mbuyawo Aroni, ninga pidapangwa iye na Yahova Mulungu wa Aizraeli.
20 Mwa Alevi anango akhalipo ndi awa: Mwa ana a Amiramu+ akhalipo Subhaeli;+ mwa ana a Subhaeli akhalipo Yedheiya;
21 mu dzindza ya Reabhiya:+ Mwa ana a Reabhiya akhalipo Isiya wakuti akhali ntsogoleri;
22 mu dzindza ya Izari akhalipo Selomoti;+ mwa ana a Selomoti akhalipo Yaati;
23 mwa ana a Ebhroni akhalipo Yeriya+ wakuti akhali ntsogoleri; waciwiri akhali Amariya, wacitatu akhali Yaaziyeli, wacinai akhali Yekamiamu;
24 mwa ana a Uzieli akhalipo Mika; mwa ana a Mika akhalipo Samiri.
25 M’bale wace Mika akhali Isiya; mwa ana a Isiya akhalipo Zakariya.
26 Ana a Merari+ akhali Mali na Musi; mwa ana a Yaziya akhalipo Bheno.
27 Mu dzindza ya Merari: Mwa ana a Yaziya akhalipo Bheno, Soamu, Zakuri na Ibhri;
28 mwa ana a Mali akhalipo Eleazare wakuti nee abala ana;+
29 mu dzindza ya Kisi: Mwa ana a Kisi akhalipo Yerameli;
30 pontho ana a Musi akhali Mali, Edheri na Yerimoti.
Anewa akhali ana a Levi mwakubverana na mbumba zawo.
31 Iwo asakambo pidzindikiro+ ninga pidacita abale awo, ana a Aroni pamaso pa Mambo Dhavidhi, Zadhoke, Aimeleki, atsogoleri a madzindza a anyantsembe na madzindza a Alevi. Nsoka ukhatsogolerwa na mwana wankulu ukhatsalakanwa munjira ibodzi ene na nsoka ukhatsogolerwa na mwana wang’ono.
