Masalmo 80:1-19
Kuna nyakutsogolera nyimbo; inalonga pya “Maluwa.” Toera anthu akumbukire. Nyimbo ya Azafe.+
80 Imwe Nkumbizi wa Izraeli, bveserani,Imwe munatsogolera Zuze ninga nkumbi wa mabira.+
Imwe adakhala pa mpando waumambo padzulu* pa akerubhi,+Pangizani ceza canu.*
2 Pangizani mphambvu zanu kuna+Efraimu, Bhenjamini na Manase;Bwerani, pontho tipulumuseni.+
3 Imwe Mulungu, tibvereni pontho ntsisi;+Citisani kuti nkhope yanu iyetimire kuna ife toera tipulumuswe.+
4 Yahova Mulungu wa anyankhondo, mpaka lini imwe munaipirwa mbamukhonda kubvesera maphembero a mbumba yanu?+
5 Imwe mwacitisa misozi yawo kukhala ninga cakudya kuna iwo,Pontho mwaacitisa kumwa misozi ninga madzi.
6 Imwe mwatawirisa kuti anthu anakhala dhuzi na ife amenyane unango na ndzace toera kutikunda;Anyamalwa athu asapitiriza kutisingirira ninga munafunira iwo.+
7 Imwe Mulungu wa anyankhondo, tibvereni pontho ntsisi;Citisani kuti nkhope yanu iyetimire kuna ife toera tipulumuswe.+
8 Imwe mwacitisa kuti muti wa mauva+ ubuluke ku Ejitu.
Mwathamangisa anthu a madzindza anango mbamuutceka.+
9 Mwalima mbuto toera kuutceka,Pontho iwo wamera mitcitci mbudzadza dziko.+
10 Mapiri aphimbirwa na nʼthundzi wa muti unoyu,Pontho nthawi zace zaphimbira miti ya sedhro idatcekwa na Mulungu.
11 Nthawi zace zafika mpaka ku bara,Pontho nthawi zace zitete zafika mpaka ku Nkulo.*+
12 Thangwi yanji mwafudza mpanda wa miyala wa muti wa mauva,+Toera anthu onsene anapita na penepo atcode misapo yace?+
13 Njiri zisausakaza,Pontho pinyama pinango pya ntsanga pisaudya.+
14 Mulungu wa anyankhondo, taphata miyendo bwererani.
Yangʼanani pantsi kubulukira kudzulu mbamuona!
Tsalakanani muti uyu wa mauva,+
15 Muti udatceka imwe na djanja yanu yamadyo,+Pontho yangʼanani mwana adapasa* imwe mphambvu toera mupaswe mbiri.+
16 Muti wa mauva wagwandwa mbupiswa na moto.+
Iwo asafa thangwi ya kusandika kwanu.*
17 Djanja yanu mbiphedze munthu ali kukhundu yanu yamadyo,Mwana wa munthu adapasa imwe mphambvu toera mupaswe mbiri.+
18 Penepo ife nee tinadzakuthawani.
Tikoyeni na umaso, toera ife ticemere dzina yanu.
19 Imwe Yahova Mulungu wa anyankhondo, tibvereni pontho ntsisi;Citisani kuti nkhope yanu iyetimire kuna ife toera tipulumuswe.+
Pidzindikiro Pyapantsi
^ Munjira inango: “pakati.”
^ Peno: “Pangizani kuyetima kwanu.”
^ Unoyu ndi nkulo wa Eufrate.
^ Peno: “nthawi idapasa.”
^ Fala na Fala: “thangwi ya kusumulwa na nkhope yanu.”
