Misangani 20:1-30
20 Vinyu isacitisa munthu kukhala dzemwa,+ pyakumwa pyakuledzeresa pisatsogolera munthu toera kucita pinthu mwakukhonda dziwa;+Ule anatayiswa napyo ndi wakusowa udziwisi.+
2 Kugopswa kwa mambo ndi ninga kulira kwa nkhalamu;+Ule anasosa ukali wa mambo, asaikha pangozwi umaso wace.+
3 Munthu anacalira kulongezana athema kulemedzwa,+Mbwenye madzemwa nee asacalira kulongezana.+
4 Nyakupolola nee asalima mu ndzidzi wa khoni;Na thangwi ineyi, iyeanaphemba-phemba mu ndzidzi wakubvuna, angasowa cinthu.*+
5 Manyerezero a muntima mwa munthu ndi ninga madzi a mu ncera wakuzika,Mbwenye munthu waluso yakunyerezera asakwanisa kuatunga.
6 Anthu azinji asalonga kuti iwo ndi aufuni kakamwe,Mphapo mbani anafuna kugumana munthu wakukhulupirika?
7 Nyakulungama asafamba mwakukhulupirika.+
Anace anadzakhala akutsandzaya.+
8 Mambo angakhala pa mpando wace waumambo toera kutonga,+Na kuyangʼana kwace, iye asafudza anthu onsene akuipa.+
9 Mbani anafuna kulonga kuti: “Ine ndacenesa ntima wanga;+Ndacenesa madawo anga”?+
10 Midida yakukhonda kulungama na pyakupima napyo pyakukhonda kulinganira,Piwiri pyene ndi pyakunyanyasa kuna Yahova.+
11 Mwana asadzindikirwa na macitiro ace,Khala makhaliro ace ndi akucena na akulungama.+
12 Khutu yakuti isabva na diso yakuti isaona,Piwiri pyene pyacitwa na Yahova.+
13 Leka kufuna kakamwe citulo, gopa unadzakhala ntcerengi.+
Fungula maso ako toera ukhale na pyakudya pizinji.+
14 Nyakugula asalonga: “Si cadidi tayu, si cadidi tayu!”Penepo iye asaenda, mbagaya thangwi ya malonda adacita iye.+
15 Munthu anakwanisa kukhala na ouro pabodzi na miyala mizinji ya ntengo ukulu,Mbwenye milomo inalonga cidziwiso ndi ya ntengo ukulu kakamwe.+
16 Khala munthu alonga kuti anabwezera mangawa a munthu anakhonda iye kudziwa,+ nkwatire nguwo yace;Phatira cinthu cace khala iye acitira pyenepi nkazi waulukwali.+
17 Munthu asakomerwa na cakudya cinawina iye thangwi yakulonga uthambi,Buluka penepo, nkanwa mwace munadzala na matcetca.+
18 Anthu angabvundzisana,* pinanyerezera iwo kucita pinafamba mwadidi;+Menya nkhondo yako na citsogolero cadidi.*+
19 Nyakulonga ndzace mwakuipa asabulusa pakweca mphangwa zacibisobiso;+Leka kucita uxamwali na munthu anakomerwa na kulonga andzace.
20 Ule anapasa dzedze pai wace na mai wace,Nyale yace inadzathimiswa cidima cingafika.+
21 Munthu angawina mpfuma munjira yakuipa,Pakumalisa iye nee anapaswa nkhombo.+
22 Leka kulonga kuti: “Ndinabwezera pyakuipa pidacitirwa ine!”*+
Dikhira Yahova,+ iye anadzakupulumusa.+
23 Midida yakukhonda kulungama ndi yakunyanyasa kuna Yahova,Bhalansa yakunyengeza nee ndi yadidi.
24 Mathanyo a munthu asatsogolerwa na Yahova.+Munthu anakwanisa tani kubvesesa njira yace?*
25 Ndi nsampha kuna munthu angalonga mwakukhonda kunyerezera kuti: “Ndi cakucena!”+
Buluka penepo, mbanyerezera pikiro idacita iye.+
26 Mambo waudziwisi asaikha pakhundu anyakuipa,+Mbaaponda na roda inabubuda pinthu pinabvunwa.+
27 Muya wa munthu ndi nyale ya Yahova,Iwo usaona mwadidi pinthu piri muntima.
28 Ufuni pabodzi na kukhulupirika pisatsidzikiza mambo;+Na ufuni iye asatsidzikiza mpando wace waumambo.+
29 Mbiri ya aphale ndi mphambvu zawo,+Kubalika kwa ankhalamba ndi imbvi zawo.+
30 Pironda pinaoneka thangwi yakumenywa pisamalisa pyakuipa,+Mitcamu isacenesa pinthu piri muntima.
Pidzindikiro Pyapantsi
^ Munjira inango: “Iwo anadzasaka mu ndzidzi wakubvuna mbwenye nee anagumana cinthu.”
^ Peno: “angacedza.”
^ Peno: “na uphungu wadidi.”
^ Peno: “Ndinamʼphata!”
^ Peno: “njira inafuna iye kutoweza?”
