Yeremiya 45:1-5
-
Mphangwa za Yahova kuna Bharuki (1-5)
45 Pa caka cacinai ca utongi wa Yeowakimu+ mwana wa Yosiya mambo wa ku Yuda, mu ndzidzi wakuti Bharuki+ mwana wa Neriya akhalemba mʼbukhu mafala akhapangwa iye na mprofeta Yeremiya,+ iye ampanga mafala awa:
2 “Ipi ndi pidalonga Yahova Mulungu wa Izraeli thangwi ya iwe Bharuki:
3 ‘Iwe walonga: “Dzedze kuna ine, thangwi Yahova athimizira kutsukwala kwanga na nyatwa zanga. Ine ndaneta na kubulira kakamwe, thangwi nyatwa zanga nkhabe kumala.”’*
4 “Iwe usafunika kumpanga kuti: ‘Ipi ndi pidalonga Yahova: “Bvesera! Ine ndiri kugomola pidamanga ine, pontho ndiri kudula pidatceka ine, ndinacita pyenepi mu dziko yonsene.+
5 Mbwenye iwe uli kusaka pinthu pikulu kakamwe. Leka kupitiriza kusaka pinthu pyenepi.”’
“‘Thangwi ine ndiri dhuzi toera kubweresa nyatwa kuna anthu onsene,’+ alonga Yahova, ‘pontho konsene kunafuna iwe kuenda, ine ndinadzatsidzikiza umaso wako.’”*+
Pidzindikiro Pyapantsi
^ Peno: “ine nkhabe ndzidzi wakupuma.”
^ Peno: “ine ndinadzakupasa umaso wako ninga muoni.”
