Yobe 6:1-30
6 Penepo Yobe atawira:
2 “Mbapidakhala mwadidi kuti kuthabuka kwanga+ kupimwe,Kuikhwe pa bhalansa pabodzi na nyatwa zanga!
3 Thangwi cincino kuthabuka kwanga kusalemera kupiringana matcetca a m’bara.
Na thangwi ineyi, ine ndisalonga mwakukhonda kunyerezera.*+
4 Thangwi mapswimo a Wamphambvu Zonsene andilasa,Umaso wanga usamwa venenu ya mapswimo anewa;+Pinthu pyakugopswa pinabuluka kuna Mulungu pisagumanyikana toera kuthimbana na ine.
5 Kodi buru ya ntsanga+ isalira ingakhala na thongwe,*Peno ng’ombe isalira ingakhala na cakudya?
6 Kodi cakudya cakukhonda koma cisadyiwa nee kuikhwa munyu?Kodi nthombvu za muti zisakoma?
7 Ine ndakhonda kuphata pinthu pyenepi.
Ipyo ndi ninga cakudya cakubvunda.
8 Mbapidakhala mwadidi kuti phembo yanga itawirwe,Mulungu mbacita pinafuna ine!
9 Mulungu mbadafuna, mbadandinyedza pyace,Mbafuthula djanja yace toera kundipha!+
10 Thangwi pyenepi mbapidandibalangaza;Ine mbidanumpha nakusekera mwakukhonda tsalakana kubva kupha kwanga kunakhonda mala,Thangwi ine nee ndakhonda mafala a ule wakuti ndi Wakucena.+
11 Kodi ndiri na mphambvu toera ndipitirize kudikhira?+
Ninji pinadikhira ine toera ndipitirize kukhala na umaso?
12 Ndine wakuwanga ninga mwala?
Kodi manungo anga ndi a nkuwa?*
13 Ndinakwanisa kuphedzeka ndekhene,Mu ndzidzi wakuti ndakwatirwa pinthu pyanga pyonsene pikhandiphedza?
14 Ule anakhonda pitiriza kupangiza ufuni* kuna ndzace,+Anasiya kugopa Mulungu Wamphambvu Zonsene.+
15 Abale anga ene asandisandukira+ ninga nkulo wakuti usapwa,Ninga madzi a mikulo yakuti isauma mu ndzidzi wa malimwe.
16 Mikulo ineyi isabvunduka thangwi ya jelo,Matalala adanyunguluka asabisala mwenemu.
17 Mbwenye pa ndzidzi wakuthema madzi asapwa mbikhonda kuonekabve;Ndzidzi wa malimwe ungafika, iyo isauma.
18 Madzi a mikulo ineyi asapeuswa;Iyo isafika kuthando, mbikhonda kuonekabve.
19 Misoka ya anthu adabuluka ku Tema+ asaisaka;Anyakucita ulendo adabuluka ku Sabha+ asaidikhira.
20 Iwo asakhala na manyadzo thangwi anyindira papezi;Iwo asafika kweneko mbakhonda kugumana cinthu.*
21 Kuna ine, imwe mwalandana na mikulo ineyi;*+Imwe musaona kutsukwalisa kwa nyatwa yanga, mbamugopa.+
22 Kodi ine ndalonga kuti: ‘Ndipaseni cinthu,’
Peno ndaphemba muoni pa mpfuma zanu?
23 Kodi ine ndaphemba toera ndiombolwe m’manja mwa nyamalwa,Peno toera ndipulumuswe m’manja mwa anyakuipa?
24 Ndipfundziseni, ine ndinamatama;+Ndiphedzeni toera ndibvesese madodo anga.
25 Mafala adidi nkhabe kutsukwalisa!*+
Mphapo kusandika kunacita imwe kunaphedza?+
26 Kodi mwabverana toera kusandika mafala anga,Mafala a munthu wakusowa cidikhiro,+ akuti asakwatwa na mphepo?
27 Imwe mbamudacita pyakulotera kuna mphawi+ toera muone kuti anakhala bitcu wa ani,Pontho mbamudagulisa xamwali wanu!+
28 Cincino zungunukani toera mundiyang’ane,Thangwi ine nee ndinalonga uthambi pamaso panu.
29 Ndaphata miyendo, cinjani manyerezero anu, lekani kundiona mwakuipa,Inde, cinjani manyerezero anu, thangwi ine ndiciri wakukhulupirika.
30 Kodi lirimi yanga isalonga pinthu pyakuipa?
Kodi nee ndisakwanisa kulawira cinthu mbandidzindikira kuti ndi cakuipa?
Pidzindikiro Pyapantsi
^ Peno: “mafala akuphonyeka; mafala akukhonda funga.”
^ Peno: “tsanga iwisi.”
^ Peno: “Kodi ndawanga ninga nkuwa?”
^ Peno: “ufuni wakukhonda mala.”
^ Peno: “mbatsumbikika.”
^ Peno: “imwe nee musandibalangaza.”
^ Peno: “nkhabe kuphekesa!”
