KHUNDU 8
Kodi Kufa kwa Yezu Kusabvekanji kwa Imwe?
Yezu afa toera tikhale na umaso. Jwau 3:16
Pakupita ntsiku zitatu za kufa kwa Yezu, akazi angasi aenda kaona nthumbi ya Yezu mbwenye nee adagumana cinthu. Yahova akhadalamusa Yezu mwa akufa.
Mukupita kwa ndzidzi Yezu aonekera kwa apostolo ace.
Ande, Yahova alamusa Yezu ninga cakucitwa camphambvu, cakucitwa cauzimu cakukhonda kufa. Anyakupfunza a Yezu amuona pikhakwira iye kudzulu.
Mulungu alamusa Yezu mwa akufa na ankhazikisa Ntongi wa Umambo wa Mulungu.—Danyele 7:13, 14
Yezu apereka umaso wace toera kuombola anthu. (Mateo 20:28) Kubulukira ku ciomboli Mulungu acitisa kukhala pyakukwanisika kwa ife toera kukhala na umaso wa kwenda na kwenda.
Yahova aikha Yezu ninga Mambo toera kutonga dziko yonsene yapantsi. Anthu akukhulupirika akukwana 144.000 anadzakhala pabodzi na Yezu. Anthu anewa asalamuswa pa dziko toera kukhala na umaso kudzulu. Yezu pabodzi na anthu akukwana 144.000 anadzacita khundu mu utongi wakulungama kudzulu—Umambo wa Mulungu.—Apokalipse 14:1-3.
Umambo wa Mulungu unadzacitisa dziko yapantsi kukhala paradizu. Nkhondo, uphanga, ucerengi na njala nkhabe kudzakhalapobve. Mwandimomwene anthu anadzakhala akutsanzaya.—Masalmo 145:16.
Panango Munakomerwa Kudziwa Ipi
PIPFUNDZISO PYAKUFUNIKA PYA M’BHIBHLYA
Thangwi Yanji Yezu Afa?
Bhibhlya isalonga kuti kufa kwa Yezu ndi kwakufunika kakamwe. Kodi kufa kwace kukhali na cifuniro?
CIKUMBUSO
Kumbukani Kufa kwa Yezu
Tisakucemerani na ntima onsene toera kugumanyikana na ife pa nsonkhano unoyu wakufunika. Munadzadziwa kuti umaso na kufa kwa Yezu kunakuphindulisani tani.
MABUKHU & MABRUXURA
Anyakufa Anakwanisadi Khala Pontho Maso?
Kodi mwaluza kale munthu wakufunika muli akufa? Pikiro ya Bhibhlya yakulamuswa muli akufa inakwanisa kukuphedzani.
