Mwandimomwene Mbani Akuonera Dziko?
Musanyerezera kuti ndi . . .
Mulungu?
anthu?
munthu unango?
BHIBHLYA ISALONGANJI
Dziko iri “m’manja mwa” nyakuipa.
‘Mwana wa Mulungu aoneka pantsi pano toera afudze mabasa a dyabo.’
PYENEPI PISABVEKANJI KWA IMWE
Mafokotozero akubveka a nyatwa za dziko.
Cinaticitisa kukhulupira kuti dziko yathu inadzacija mbikhala na makhaliro adidi kakamwe.
TINAKWANISADI KUKHULUPIRA PINALONGA BHIBHLYA?
Inde, pana mathangwi matatu:
Utongi wa Sathani uli pangozwi. Yahova atonga kumalisa utongi wa Sathani pakati pa anthu. Iye asapikira ‘kufudza mabasa a Dyabo,’ na kumalisa uipi onsene unacitwa na Sathani.
—Ahebere 2:14, Biblya Chisena. Mulungu asankhula Yezu Kristu toera kutonga dziko. Yezu ndi wakusiyana kakamwe na ntongi wakuipa na waumbirimi wa dziko ino. Mu kulonga pya utongi wa Yezu, Mulungu asapikira: ‘Iye anadzabvera ntsisi akucepeseka, na akutcerenga. Anaapulumusa mu kubvuyiwa kunacitwa iwo na anyamphambvu.’
—Masalmo 72:13, 14. Mulungu nkhabe nama. Bhibhlya isalonga mwakubveka: ‘Nkhabe kwanisika kuti Mulungu alonge pyauthambi.’ (Ahebere 6:18, Tradução do Novo Mundo) Yahova angapikira toera kucita cinthu, pisakhala ninga camala kucitika! (Izaiya 55:10, 11) ‘Nkadamu wa pantsi pano anadzathamangiswa.’
—Jwau 12:31.
NYEREZERANI
Kodi dziko inadzakhala tani pakumala kubuluswa kwa Sathani?
Bhibhlya isatawira mbvundzo unoyu pa MASALMO 37:9, 10 na APOKALIPSE 21:3, 4.
Panango Munakomerwa Kudziwa Ipi
PYA IFE
Thangwi yanji tisafunika kupfundza Bhibhlya?
Bhibhlya isatawira mibvundzo yakufunika kakamwe mu umaso, ya anthu azinji kakamwe pa dziko yonsene. Musafuna kukhala m’bodzi mwa anthu anewa?
PYA IFE
Phembani Toera Mucedzerwe
Cedzani pinalonga Bhibhlya, peno pfundzani pizinji thangwi ya Mboni za Yahova.
