Pitirizani Kufuna Mulungu

Bhibhlya iri na midida na pitsogolero pyakuti pinakwanisa kutiphedza toera tipitirize kufuna Mulungu.

Tsamba ya Mathubo Akutonga

Mathubo Akutonga a Mboni za Yahova asaphemba onsene anafuna Yahova Mulungu toera kucita pinthu mwakubverana na undimomwene unagumanika m’Mafalace, Bhibhlya.

NSOLO 1

Ufuni wa Mulungu Ndi Wakwenda na Kwenda

Tisafunika kuwangisira toera kukhala na uxamwali wakuwanga na Mulungu. Tinacita tani pyenepi?

NSOLO 2

Tinakhala Tani na Cikumbuntima Cadidi?

Mulungu atipasa cikumbuntima toera kutitsogolera mu umaso.

NSOLO 3

Sankhulani Axamwali Akuti Asafuna Mulungu

Axamwali athu anaticitisa kucita pinthu pyadidi peno pyakuipa. Kodi midida ya Bhibhlya inatiphedza tani pakusankhula axamwali a ponda ndipondembo?

NSOLO 4

Thangwi Yanji Tisafunika Kulemedza Anthu Akuti Ali na Cidzo?

Tiri na mathangwi adidi toera kulemedza munthu anatsogolera pabanja, ale anatsogolera mu mpingo, pabodzi na ale anatsogolera pacisa.

NSOLO 5

Tinakhala Tani Akusiyana na Dziko

Yezu apanga anyakupfundzace, “Imwe . . . nee musacitabve khundu ya dziko.” Kodi mwandimomwene “dziko” ninji, pontho thangwi yanji Akristu asafunika kukhala akusiyana na dziko?

NSOLO 6

Tinasankhula Tani Ubalangazi Wadidi

Ubalangazi wa dziko walandana na nsapo wakubvunda khundu ibodzi. Ninji cinafuna kutiphedza toera kusankhula ubalangazi wadidi mbaticalira wakuipa?

NSOLO 7

Kodi Imwe Musalemedza Umaso Ninga Pinacita Mulungu?

Ndi midida ipi ya Bhibhlya inafuna kutiphedza toera kucita pisankhulo pyadidi thangwi ya umaso na ciropa?

NSOLO 8

Yahova Asafuna Kuti Atumiki Ace Akhale Akucena

M’maonero a Yahova, kukhala munthu wakucena pisabveka pizinji kupiringana kusamba, kufula nguwo zathu na kucenesa nyumba yathu. Pisaphataniza kulambira kwathu, makhaliro athu na manyerezero athu.

NSOLO 9

“Thawani Pyaulukwali!”

Kodi ulukwali ninji, pontho tinauthawa tani?

NSOLO 10

Kumanga Banja Ndi Muoni Wakubuluka Kwa Mulungu

Ndi nkhombo zipi zinakhala na ale adamanga banja? Munasankhula tani mwadidi munthu toera kumanga naye banja? Ninji cinafuna kuphedza banja toera ikhale yakuwanga?

NSOLO 11

Pakumala Kumanga Banja

Mabanja onsene asakhala na ndzidzi wakutsandzayisa na wakutsukwalisa. Mbwenye, ngakhale mabanja akuti ali na nyatwa zikulu anakwanisa kuwangisa uxamwali wawo.

NSOLO 12

Longani “Mafala Adidi Toera Kuwangisa”

Mafala anakwanisa kukhala adidi, mbwenye anakwanisambo kutsukwalisa. Yahova asatipfundzisa toera tiphatisire mwadidi muoni wa fala.

NSOLO 13

Kodi Maphwando Onsene Asakomeresa Mulungu?

Maphwando na mafiriyadu asacita khundu ya umaso wa anthu azinji. Ninji cinafuna kutiphedza toera kudziwa maonero a Yahova thangwi ya maphwando anewa?

NSOLO 14

Khalani Akukhulupirika mu Pinthu Pyonsene

Dingani makhundu 4 anapangiza kuti midzidzi inango pisanentsa kukhala wakukhulupirika na maphindu akukhala akukhulupirika.

NSOLO 15

Tsandzayani na Basa Yanu

Nciti wathu asafuna kuti tikomerwe na pinacita ife. Mphapo ninji cinafuna kutiphedza toera titsandzaye na basa yathu? Kodi iripo basa yakuti Akristu asafunika kuicalira?