Pakuleri Bhibhlya, ife tinakwanisa kufufudza toera kubvesesa mwadidi pinaleri ife. Mbwenye nee tisafunika kupfundza basi ene toera kuthimizira cidziwiso cathu ca Bhibhlya. Tisafunika kugumana mpfuma zauzimu thangwi ya makhaliro a Yahova zakuti zinathimizira ufuni wathu kuna iye. Toera kucita pyenepi, tisafunika kubvundzika: ‘Mphangwa zenezi zisandipfundzisanji thangwi ya Yahova?’

Mwacitsandzo, ife tinakwanisa kufufudza toera kuona kuti Yahova asapangiza tani ufuni, udziwisi, ulungami na mphambvu. Mbwenye Yahova ali na makhaliro anango mazinji adidi akuti tinakwanisa kuapfundza. Mphapo munagumana kupi mphangwa zinalonga pya makhaliro ace?

Onani pa ndandanda, makhaliro a Yahova akupiringana 50 anagumanika mu Índice das Publicações da Torre de Vigia pa khundu yakuti “Jeová,” buluka penepo onani nsolo ung’ono wakuti “Lista de qualidades.” Fufudzani n’khaliro ubodzi wakuti usabverana na mphangwa zinaleri imwe m’Bhibhlya. (Khala musaphatisira basi ene Bukhu Inaphatisira Mboni za Yahova Pakufufudza, onani pa khundu yakuti “Yahova Mulungu” na nsolo ung’ono wakuti “Makhaliro a Yahova.”)