NYIMBO 54
‘Njira Ndi Iyi’
-
1. Pana njira yakuti
Ndi yantendere.
Imwe mwaipfundza,
Pontho ndi yakale.
Ndi njira idapfundzisa
Mbuya Yezu,
Inagumanika
M’Mafala a M’lungu.
(KORO)
Njira ndi iyi ya ku umaso;
Lekani yesera kuisiya.
M’lungu ati: ‘Fambani nayo;
Ndi ineyi lekani bwerera.’
-
2. Pana njira yakuti
Ndi yaufuni.
Njira iyi tapangizwa
Na Mulungu.
Ufuni wace ndi
Wandimomwenedi.
Iwo usakhuya
Pinacita ife.
(KORO)
Njira ndi iyi ya ku umaso;
Lekani yesera kuisiya.
M’lungu ati: ‘Fambani nayo;
Ndi ineyi lekani bwerera.’
-
3. Pana njira ibodzi
Ya ku umaso.
M’lungu acenjeza:
Nkhabepo inango.
Njira yaufuni
Pontho yantendere,
Njira ya umaso,
Ndi ineyi basi.
(KORO)
Njira ndi iyi ya ku umaso;
Lekani yesera kuisiya.
M’lungu ati: ‘Fambani nayo;
Ndi ineyi lekani bwerera.’
(Onanimbo Masal. 32:8; 139:24; Mis. 6:23.)
