Samweli akhala wakukhulupirika kuna Yahova mu umaso wace onsene. Pikhali iye mwana iye akhonda kucita pinthu pyakuipa ninga pikhacita ana a Eli, akuti akhali Ofini na Fineya. (1 Sam. 2:22-26) Samweli apitiriza kukula, pontho Yahova akhali na iye. (1 Sam. 3:19) Pidakalamba iye, Samweli apitiriza kutumikira Yahova, maseze anace nee akhatumikira Yahova.—1 Sam. 8:1-5.

Kodi citsandzo ca Samweli cisatipfundzisanji? Khala ndimwe m’phale, khalani na cinyindiro cakuti Yahova asabvesesa pinentso pinathimbana na imwe, pontho asadziwa mabvero anu. Iye anakwanisa kukuphedzani toera mukhale na cipapo. (Iza. 41:10, 13) Khala imwe ndimwe nyakubala wakuti mwananu asiya kutumikira Yahova, imwe munakwanisa kugumana cibalangazo mungadziwa kuti Samweli nee akakamiza anace toera apitirize kukhala akukhulupirika kuna Yahova. Iye asiya pyonsene m’manja mwa Yahova, apitiriza kukhala wakukhulupirika mbakomeresa Babace wakudzulu, Yahova. Panango citsandzo canu cadidi cinakulumiza mwananu toera abwerere kuna Yahova.

ONANI VIDHYU YA NSOLO WAKUTI O QUE APRENDEMOS​—SAMUEL , BULUKA PENEPO TAWIRANI MIBVUNDZO IYI:

• Samweli apangiza tani cipapo pikhali iye m’phale?

• Kodi David apangiza tani cipapo?

• Ndi citsandzo cipi cadidi cidakhazikisa Samweli pidakalamba iye?

• Ndi pinthu pipi pyadidi pidacita anyakubala a David?