Cidikhiro cakhala ninga nangula, peno nkhambala inamangirira bote. (Aheb. 6:19) Cisatiphedza toera tikhonde kufa mwauzimu tingathimbana na mayesero makulu. (1 Tim. 1:18, 19) Mayesero anewa anakwanisa kuphataniza madodo athu, kuluza mpfuma, utenda wakukhalikira, kufa kwa nyakufunika wathu, peno pinthu pinango pyakuti pinaikha pangozwi kukhulupirika kwathu.

Cikhulupiro na cidikhiro cisaticitisa kuona mwadidi nkhombo zidapikirwa ife. (2 Akor. 4:16-18; Aheb. 11:13, 26, 27) Natenepa, khala cidikhiro cathu ndi cakuenda kudzulu peno cakukhala pa dziko yapantsi, tisafunika kukulisa cikhulupiro cathu mukunyerezera mwacidikhodikho mapikiro anagumanika m’Bhibhlya. Buluka penepo, tingathimbana na mayesero, pinakhala pyakukhonda nentsa kupitiriza na kutsandzaya.—1 Ped. 1:6, 7.

ONANI VIDYU YAKUTI TSANDZAYANI NA CIDIKHIRO, BULUKA PENEPO TAWIRANI MIBVUNDZO IYI:

• Thangwi yanji tisafunika kutowezera citsandzo cadidi ca Mose?

• Ndi mabasa api ali na misolo ya mabanja?

• Ndi ntsonga zipi zakuti munakwanisa kuzidinga pa Kulambira kwanu kwa Banja?

• Kodi cidikhiro cinakuphedzani tani toera kuthimbana na mayesero mwacinyindiro?

• Ninji pinadikhira imwe kutsogolo?