Sumana 27 ya Maio–2 ya Junho
MASALMO 42-44
Nyimbo 86 na Phembero | Mafala Akutoma (mph. 1)
1. Phatisirani Mwadidi Pinatipfundzisa Yahova
(mph. 10)
Lambirani Yahova pabodzi na anango, pontho citani pyenepi khala ndi pyakukwanisika (Masalmo 42:4, 5; Sentinela 1/6/06 tsa. 9 ndima 4)
Citani phembero mbamudzati kupfundza Mafala a Mulungu (Mas. 42:8; Sentinela 15/1/12 tsa. 15 ndima 2)
Bverani pinalonga Bhibhlya mu pinthu pyonsene pinacita imwe (Mas. 43:3)
Pinthu pinatipfundzisa Yahova pisatiwangisa toera kupirira mayesero na kukwanirisa pikiro yathu yakutumikira Yahova kwenda na kwenda.—1 Ped. 5:10; Ncenjezi 09.16 tsa. 6 ndima 11-12)
2. Mpfuma Zauzimu
(mph. 10)
-
Mas. 44:19—Kodi mafala akuti “mbuto inagumanyikana mibindzi” panango asabvekanji? (Perspicaz vol. 1 tsa. 479)
-
Ndi mpfuma zipi zauzimu zidagumana imwe pakuleri Bhibhlya sumana ino?
3. Kuleri Bhibhlya
(mph. 4) Mas. 44:1-26 (Kuleri na Kupfundzisa pfundziro 11)
4. Kutomesa Makani
(mph. 4) NYUMBA NA NYUMBA. Tomesani pfundziro ya Bhibhlya. (Funani Anthu nsolo 5 khundu 5)
5. Ulendo Wakubwereza
(mph. 5) NYUMBA NA NYUMBA. Cemerani munthu toera abwere kudzabvesera nkhani yapakweca inafuna kucitwa sumana ineyi. Fokotozani vidhyu yakuti Ninji Pinacitwa pa Nyumba ya Umambo? (Funani Anthu nsolo 7 khundu 5)
6. Nkhani
(mph. 3) Funani Anthu apendise A khundu 4—Nsolo: Anthu Onsene Anadzakhala na Ungumi Wadidi. (Kuleri na Kupfundzisa pfundziro 2)
Nyimbo 21
7. Citani Pisankhulo Pyadidi Thangwi ya Basa na Kupfundza
(mph. 15) Nkhani yakucedza.
Aphale na atsikana, kodi imwe muli kunyerezera pinafuna imwe kucita mungamala kupfundza xikola? Panango muli kunyerezera basa yakuti inakuphedzani toera kutumikira ninga mpainiya. Panango muli kunyerezera kucita kursu yakuti inakuphedzani toera kukhala na maluso peno kukhala na certificado toera mukwanise kucita basa ineyi. Unoyu ndi ndzidzi wakutsandzayisa kakamwe wa umaso wanu! Ngakhale tenepo, panango nee munadziwa pinafunika imwe kucita thangwi muli na pisankhulo pizinji peno munakakamizika toera kukomeresa anango. Mphapo ninji pinafuna kukuphedzani toera kucita pisankhulo pyadidi?
Lerini Mateu 6:32, 33. Buluka penepo, citani mibvundzo iyi:
-
Mbamudzati kucita pisankhulo thangwi ya basa na kupfundza, thangwi yanji mphyakufunika kukhala na pifuno pyauzimu?
-
Anyakubala anaphedza tani anawo toera kuphatisira pinalonga lemba ya Mateu 6:32, 33?—Mas. 78:4-7
Citani mphole-mphole toera cifuno cakukhala na kobiri izinji peno kukhala munthu wakufunika kakamwe cikhonde kudzudzumisa pisankhulo pyanu. (1 Juw. 2:15, 17) Kumbukani kuti pinakhala pyakunentsa kuna munthu ali na kobiri izinji toera kuikha Umambo wa Mulungu pa mbuto yakutoma. (Luka 18:24-27) Nkhabe kwanisika kusaka kakamwe mpfuma na kuthambaruka mwauzimu mu ndzidzi ubodzi ene.—Mat. 6:24; Marko 8:36.
Pangizani VIDHYU Citani Mphole-mphole Toera Mukhonde Kunyindira Pinthu Pyakuti Pisamala!—Kobiri. Buluka penepo, citani mbvundzo uyu:
-
Lemba ya Misangani 23:4, 5 inakuphedzani tani toera kucita pisankhulo pyadidi?
8. Pfundziro ya Bhibhlya ya Mpingo
(mph. 30) Umambo Wa Mulungu Ukutonga! nsolo 7 ndima 10-18, bokosi tsa. 73
