E bâ so azo mingi so ayeke na eglize ti ala awe, aye mingi ti sara lisoro na ndö ti tënë ti Nzapa so ayeke na yâ ti Bible. Tâ tënë, e ne droit so mbeni zo ayeke na ni ti mä na bê na mbeni tënë so ayeke nde na ti e, nga e forcé azo forcengo ape ti mä tënë so e yeke fa.

 Na ngoi so e yeke sara lisoro na mbeni zo na ndö ti tënë ti Nzapa, e yeke sara kue ti sara ye alingbi na wango ti Bible so ahunda na e ti sara ni na “ngangu pëpe” nga na “nengo zo mingi.” (1 Pierre 3:15). E hinga so azo kue la ayeke yeda pëpe ti mä tënë so e yeke fa (Matthieu 10:14). Me tongana e sara lisoro na mbeni zo ape, e lingbi ti hinga pëpe tënë ti bê ti lo na ndö ti tënë so e ye ti fa na lo so. Nga e hinga so dutingo ti azo ayeke changé changengo.

 Na tapande, e peut ti si na yanga-da ti mbeni zo na ngoi so kua ahon ndö ti lo, me tongana e ga na mbeni lango nde terê ti lo ayeke nzere ti sara lisoro na e. Mbeni ye ni ayeke so, azo ayeke tingbi na akpale wala ambeni ye nde so ayeke si na yâ ti gigi ti ala so asara si ala yeke na nzara ti mä atënë ti Bible. Bâ ndani so e yeke sara kue ti gue lakue na yanga-da ti azo ti fa tënë na ala so la.