Bungbi ti aTémoin ti Jéhovah ti ngoi ti e abâ gigi angu kete kozo na ngu 1900. Na ngoi ni so, mbeni kete groupe ti azo so a iri ala aWamandango Bible so alango nduru na kodro ti Pittsburgh, na Pennsylvania (États-Unis), akomanse ti manda Bible. Ala haka aye so a-eglize ayeke fa lani na ye so Bible afa biani. Ala komanse ti zia aye so ala manda na yâ ti abuku, ambeti-sango nga na mbeti so laso a iri ni Tour ti Ba Ndo Afa Tene ti Royaume ti Jéhovah.

 Na popo ti groupe ti aWamandango Bible ni so a yeke wara mbeni koli so iri ti lo ayeke Charles Taze Russell. Na ngoi ni lani, Rusell la ayeke zo so amû li ni lani na yâ ti kua ti fango tâ tënë ti Bible nga lo la lo yeke kozo zo so asigi na Tour ti Ba Ndo. Me lo sigi pëpe na mbeni fini bungbi. Rusell na ambeni Wamandango Bible ni aleke na bê ti ala ti sara si azo ahinga afango ye ti Jésus Christ nga ti sara ye tongana ti so akozo Chrétien ayeke sara ândö. Teti so Jésus la azia gere ti congrégation ti aChrétien na sese, e yeke bâ lo tongana zo so azia gere ti bungbi ti e na sese.—aColossien 1:18-20.