Awato ti Jésus abi tënë na li ti lo a tene lo la lo ye ti sara terê ti lo ti lingbi na Nzapa (Jean 5:18; 10:30-33). Me, Jésus atene lâ oko ape so ni lingbi na Nzapa so ngangu ti lo ahon angangu kue. Lo tene: “Babâ ayeke kota ahon mbi.”​—Jean 14:28.

 Akozo disciple ti Jésus abâ Jésus pëpe tongana zo alingbi na Nzapa so ngangu ti lo ahon angangu kue. Na tapande, bazengele Paul atene so, na peko ti so a zingo Jésus na kuâ, Nzapa “ayâa lo [Jésus] na nduzu na mbeni kota ndo so ahon ti kozo ni”. Kite ayeke dä ape so ti Paul, Jésus ayeke pëpe Nzapa so ngangu ti lo ahon angangu kue. Tongana lo la lo yeke Nzapa, ka Nzapa apeut ti kiri ti yâa lo na nduzu encore tongana nyen?—aPhilippien 2:9.