Bible afa so Satan Zabolo ayeke mbeni zo so ayeke dä biani. Lo yeke tongana mbeni ngangu zo ti sarango sioni na zo, so ayeke sara kua na “aye ti kpene ti mvene” nga na “akode kue” ti handa azo tongaso si lo sara ye so bê ti lo aye. Ni la, Bible atene so lo yeke “sara terê ti lo lakue tongana mbeni ange ti lumière.” (2 aThessalonicien 2:9, 10; 2 aCorinthien 11:14). Gï na bango aye ti vundu so ayeke si na azo, e hinga so Zabolo ayeke dä.

 Me, Zabolo la ayeke pëpe na gunda ti apasi kue kue kue. Ngbanga ti nyen? Ngbanga ti so Nzapa asara lani azo na lo mû na ala liberté ti soro ti sara ye ti nzoni wala ye ti sioni (Josué 24:15). Tongana e soro ti sara ye ti sioni, e yeke wara asioni ye ti pekoni.​—aGalate 6:7, 8.