Na bango ni peut-être akamarade ti mo kue ayeke sara kua na aréseaux sociaux, ala yeke causé na ndö ni lakue. Peut-être ala yeke he même mo ndali ti so mo yeke na mbeni compte ti réseaux sociaux ape. Nyen la mo doit ti hinga na ndö ti tënë ni? Nga nyen mo peut ti sara ndali ni?

 A yeke gï mo oko ape. Mingi ti aparent aye ti tene amolenge ti ala asara kua na aréseaux sociaux ape. Peut-être ala ga ti bâ so sarango kua na aréseaux sociaux apeut ti ga na:

•   kpale ti dépression nga na ambeni kpale ti kobela ti li.

•   kpale ti bango porno, tokuango amessage na ndö ti bungbingo koli na wali nga na gingo yanga na ndö ti Internet.

•   papa na popo ti akamarade.

 Mingi ti amaseka ake ti sara kua na aréseaux sociaux. Ala ga ti bâ so, so ala yeke na ndö ti aréseaux sociaux asara sioni na ala ahon ti sara nzoni na ala. Bâ atapande ti vrai ye so asi na ambeni zo:

•   Priscilla aga ti bâ lani so sarango kua na aréseaux sociaux amû temps so lo peut fade ti mû ni ti sara na ambeni nzoni ye.

•   Jeremy abâ so lo peut ti kanga lege ape na ambeni ye so ayeke na lege ni ape so ayeke sigi na lê ti téléphone ti lo na temps so lo yeke sara kua na aréseaux sociaux.

•   Bethany abâ so ye ni so asara si lo yeke pensé mingi na ndö ti aye so azo ayeke sara.

 “Mbi décidé ti supprimé application ti réseaux sociaux ti mbi na anzere na mbi ti sara ni. Mbi manke vraiment ye oko ape nga anzere na mbi so mbi yeke na temps mingi ti sara ye so ayeke important mingi na mbi.”—Sierra.

 “Mbi yeke gi lani bê ti mbi mingi na ndö ti réaction ti azo na ndö ti aye so mbi yeke posté nga mbi ye lani ape ti tene mbi ga ngbâa ti réseaux sociaux. A yeke lani facile na mbi ape ti supprimé compte ti mbi ni, me na peko ti so mbi sara ni mbi sentir terê ti mbi bien. Fadeso, mbi yeke na siriri ti bê.”—Kate.

 Sara ye alingbi na andia so aparent ti mo alu. Fa na ala so mo kpengba awe na so mo peut ti sara ye alingbi na andia so ala lu sân ti sara ngonzo wala ti dema terê ti mo.

 Mama-ndia ti Bible: “Zo ti buba ayeke fa polele ngonzo ti lo kue; me zo ti ndara ayeke kanga ngonzo ti lo, lo yeke sara nga si ngonzo ni adë.”—aProverbe 29:11, Mbeti ti Nzapa, Tënë so amu fini.

 Ambeni zo apeut ti tene na mo ti sara kua na aréseaux sociaux sân ti tene aparent ti mo ahinga wala ti zi mbeni compte na hondengo ni. So ayeke mbeni erreur la. Ti sara ye tongaso, a yeke sara si mo yeke gi bê ti mo mingi nga conscience ti mo ayeke tranquille ape. Tongana aparent ti mo ahinga tënë ni, mo yeke wara kpale nga ala yeke sara confiance na mo ape.

 Mama-ndia ti Bible: “E ye ti sara ye mbilimbili na yâ ti aye kue.”—aHébreu 13:18.

 Yeda na desizion ni. Tongana ti amaseka so e sara tënë ti ala fade na nduzu ge, mo nga kue mo peut ti gbu li na ndö ti araison so ndali ni mo ke ti sara kua na aréseaux sociaux. Tongana ayeke polele so sarango kua na aréseaux sociaux ayeke nzoni ndali ti mo ape, a yeke nzoni mo zia ti sara kua na ni. A yeke gï pëpe ndali ti so aparent ti mo la amû desizion ni, me a yeke nga ndali ti so mo kue mo yeda na desizion ti ala ni. Tongana ayeke tongaso, tongana amba ti mo ahunda question na mo na ndö ni, a yeke gêné mo ape; na peut-être ala yeke he mo ape.

 Na nduru tënë: Mä yanga ti aparent ti mo, nga gi ti comprendre desizion so ala mû na yeda na ni. Me ti actuellement so, mo peut ti vivre sân réseaux sociaux.