Mbage 3

“Ndoye so Christ ayeke na ni apusu e ti sara ye”

Nyen la apusu e ti ngbâ ti mû peko ti Jésus? Bazengele Paul akiri tënë atene: “Ndoye so Christ ayeke na ni apusu e ti sara ye.” (2 aCorinthien 5:14). Na yâ ti mbage ti buku so, e yeke bâ tënë na ndo ti ndoye so Jésus afa na mbage ti Jéhovah, na mbage ti azo ti sese kue nga na mbage ti e oko oko kue. Ye so e yeke bâ ayeke pusu e biani ti sara ye. A yeke ndu bê ti e na e yeke bâ so a lingbi e sara ye, e ngbâ ti gue na li ni na mungo tapande ti Maître ti e.