MBAGE 4
Ala mä yanga ti Satan: Ye ti pekoni ayeke nyen?
Adam na Ève ake yanga ti Nzapa, ni la ala kui. Genèse 3:6, 23
Ève amä yanga ti ngbo ni na lo te lê ti keke ni. Na pekoni, lo mû mbeni lê ti keke ni na Adam, Adam ate ni.
Ye so ala sara ayeke nzoni pëpe, a yeke siokpari la. Ni la Nzapa ahunda na ala ti sigi na yâ ti Paradis.
Gigi akpengba na ala nga na amolenge ti ala. Na pekoni, Adam na Ève aga mbakoro na ala kui. Na peko ti kuâ ti ala, ala gue na ndo ti ayingo pëpe; ala yeke na fini mbeni pëpe.
Akuâ ayeke tongana sese, ala yeke na fini pëpe. Genèse 3:19
E yeke kui ngbanga ti so e yeke amolenge ti Adam na Ève. Akuâ alingbi ti bâ ndo pëpe, ti mä ndo pëpe nga ti sara mbeni ye pëpe.—Zo-ti-fa-tene 9:5, 10.
Jéhovah asara lani azo ti tene ala kui pëpe. Na yâ ti kete ngoi fade lo zingo akuâ. Tongana ala mä yanga ti lo, fade ala wara fini ti lakue lakue.
Bâ nga
AKOTA FANGO YE TI BIBLE
Azo so akui ayeke na ndo wa?
Bible atene so na mbeni ngoi ande a yeke zingo gbâ ti azo na kuâ, gï tongana ti so a zingo lani Lazare.
AKOTA FANGO YE TI BIBLE
Ngbanga ti nyen la Nzapa azia si azo abâ pasi?
Gbâ ti azo ayeke hunda ngbanga ti nyen la kengo terê nga na pasi ahon ndö ni tongaso na yâ ti dunia. Bible amû na e mbeni nzoni kiringo tënë ni so adë bê ti zo.
