Bia 116
Lumière aza gi zango
1. Aprophète aye ti bâ Christ ni lani,
lo so azo ayeke ku lo.
Nzapa afa so Messie ayeke ga,
salut aga na lege ti lo.
Ngoi asi awe, lo yeke komande,
kite ayeke dä pëpe.
So nzoni ti hinga tâ aye so kue;
a-ange nga agi ti bi lê dä!
(LI TI BIA)
Lumière aza ahon ti kozo;
e tambela na kota lâ.
Bâ so Nzapa azi lê ti e;
lo yeke fa lege na e.
2. Na lege ti nzoni ngbâa ti Jésus Christ,
e wara kobe na tâ ngoi ni.
Lumière ti tâ tënë aza gi zango,
na anzere na bê ti azo.
Lumière aza ngangu na lege ti e,
na e tambela na yâ ni.
Singila na Jah, so amû tâ tënë,
e yeke mû gi lege ti lo.
(LI TI BIA)
Lumière aza ahon ti kozo;
e tambela na kota lâ.
Bâ so Nzapa azi lê ti e;
lo yeke fa lege na e.
(Bâ nga aRom. 8:22; 1 aCor. 2:10; 1 Pi. 1:12.)
