1 Samuel 2:1-36
2 Na pekoni Hannah asambela, atene:
“Bê ti mbi ayeke na ngia ndali ti Jéhovah;+Jéhovah amû ngangu na mbi.*
Mbi yeke zi yanga ti sara tënë na awato ti mbi,ngbanga ti so mbi yeke na ngia mingi ndali ti aye so mo sara ti sö zo.
2 Mbeni zo so ayeke nzoni-kue tongana mo Jéhovah ayeke dä pëpe,gï mo oko la mo yeke Nzapa;+mbeni kota tênë tongana Nzapa ti e ayeke dä pëpe.+
3 Ngbâ ti sara tënë na baba pëpe,zia mbeni tënë ti fandara asigi na yanga ti mo pëpe,ndali ti so Jéhovah ayeke Nzapa so ahinga ye,+na lo la lo yeke bâ tâ na lege ni yâ ti sarango ye ti zo.
4 Yâ ti akokora ti awangangu afâ,me azo so aye ti tï awara ngangu.+
5 Azo so ate ye lani nzoni ayeke gi kua ti wara na kobe,me azo so ayeke lani na nzara, nzara asara ala mbeni pëpe.+
Wali so adü pëpe adü amolenge mbasambala,+me wali so adü gbâ ti amolenge, lo kiri lo dü mbeni pëpe.*
6 Jéhovah afuti zo, nga lo bata zo na fini;*lo sara si zo ague na yâ ti Dû ti kuâ,* nga lo sara si zo alondo kâ asigi.+
7 Jéhovah asara si zo aga wayere, nga lo sara si zo aga zo ti mosoro;+lo sara si zo aga kete, nga lo yâa iri ti zo na nduzu.+
8 Lo yô na nduzu zo ti mawa so ayeke na yâ ti fuku ti sese;lo yô na nduzu awayere so ayeke na yâ ti gbâ ti mburu ti wâ so a bungbi ni ndo oko,*+ti sara si ala duti na popo ti akota zo,na popo ti azo so a ne ala mingi.
Gere ti sese ayeke na yâ ti maboko ti Jéhovah,+na lo zia sese na ndö ni.
9 Lo bata lege so azo ti lo so ayeke be-ta-zo ayeke mû,+me a yeke futi azo ti sioni na yâ ti vukongo ndo,+ndali ti so zo ayeke sö benda na ngangu ti lo wani pëpe.+
10 Azo so atiri na Jéhovah, lo yeke fâ yâ ti ala kete kete;*+kâ na yayu lo yeke sungba tongana bekpa na terê ti ala.+
Jéhovah ayeke fâ ngbanga ti azo na ndö ti sese kue;+lo yeke mû ngangu na gbia ti lo,+na lo yeke mû ngangu na* zo so lo soro lo.”+
11 Elcanah akiri na yanga-da ti lo na Ramah; me molenge ti lo aga wakua ti* Jéhovah,+ nga lo yeke sara kua na gbe ti prêtre Éli.
12 Amolenge ti Éli ayeke sioni mingi;+ ala ne Jéhovah kete pëpe.
13 Bâ ye so ala yeke sara na ye so azo adoit ti mû na aprêtre la:+ Na ngoi so mbeni zo ayeke mû sandaga si nyama ni angbâ ti kporo, mbeni zo ti kua ti prêtre ni ayeke ga na kota fourchette so yanga ni ayeke ota,
14 lo yeke yôro ni na yâ ti atawa kue so nyama ayeke kporo dä. Nyama kue so fourchette ni akpo asigi na ni, prêtre ni ayeke mû ni. So ayeke ye so ala yeke sara na azo ti Israël kue so ayeke gue na Shilo la.
15 Même kozo si a zö mafuta ti nyama ni na ndö ti gbalaka,+ zo ti kua ti prêtre ni ayeke ga, lo tene na zo so amû sacrifice ni, lo tene: “Mû nyama na prêtre ti tene lo wani lo zö ni. Lo yeke mû nyama so a kporo ni awe so pëpe, lo ye gï fini nyama.”
16 Tongana zo ni atene na lo, atene: “Zia a zö mafuta ni si,+ na pekoni mo mû ye kue so mo ye,”* lo yeke tene: “Ên-ën, mû na mbi ni fafadeso; tongaso ape, mbi yeke mû ni na ngangu!”
17 Tongaso, siokpari ti azo ti kua ni aga kota na lê ti Jéhovah,+ ndali ti so azo ni so ane asandaga ti Jéhovah pëpe.
18 Samuel ayeke sara kua+ na gbele Jéhovah atâa so lo de molenge; lo yü* éphod ti lin.+
19 Nga, ngu oko oko, mama ti Samuel ayeke fü na lo mbeni kete yongoro bongo so maboko ni ayeke dä pëpe, lo yeke gue na ni na lo na ngoi so lo na koli ti lo ayeke gue ti mû na Nzapa sandaga so a yeke mû ka ni ngu oko oko.+
20 Éli airi tufa na ndö ti Elcanah na wali ti lo, nga lo tene: “Zia Jéhovah asara si wali ti mo adü na mo mbeni molenge na place ti lo so ala mû lo na Jéhovah so.”+ Na pekoni ala kiri na kodro.
21 Jéhovah adabe ti lo na Hannah, tongaso lo ngbâ ti dü;+ lo kiri lo dü amolenge-koli ota na amolenge-wali use. Âdu ti Samuel, lo ngbâ ti maï na gbele Jéhovah.+
22 Éli aga mbakoro mingi. Lo mä tënë ti asioni ye kue so amolenge ti lo ayeke sara+ na azo ti Israël kue, nga so ala yeke lango na awali so ayeke sara kua na yanga ti tente ti bungbi.+
23 Lo yeke tënë na ala: “Ala yeke sara ye tongaso ngbanga ti nyen? Ye so mbi yeke mä na yanga ti azo kue na ndö ti ala so ayeke nzoni pëpe.
24 Hange, amolenge ti mbi, tënë so mbi mä si ayeke mû ndo na popo ti azo ti Jéhovah so ayeke nzoni pëpe.
25 Tongana zo asara siokpari na terê ti mba ti lo zo, mbeni zo alingbi ti voro yanga na Jéhovah ndali ti lo;* me tongana zo asara siokpari na terê ti Jéhovah,+ zo wa la alingbi ti sambela ndali ti lo zo wa?” Me ala ke ti mä babâ ti ala, ndali ti so Jéhovah aleke na bê ti lo awe ti futi ala.+
26 Na yâ ti angoi ni so, Samuel ayeke kono nga lo ga nzoni na lê ti Jéhovah nga na lê ti azo.+
27 Mbeni zo ti Nzapa ague na ndo ti Éli, lo tene: “Jéhovah atene: ‘So si kotara ti mo na azo ti lo ayeke lani angbâa ti azo ti Pharaon na Égypte, mbi fa terê ti mbi polele na ala ape?+
28 Mbi soro kotara ti mo na popo ti amara ti Israël kue+ ti ga prêtre ti mbi nga ti monté na ndö ti gbalaka ti yâa asandaga,+ ti zö dukane* nga ti yü éphod na gbele mbi. Nga, asandaga kue so azo ti Israël amû ti tene a zö ni, mbi mû ni na ahale ti kotara ti mo.+
29 Asandaga kue so mbi mû yanga ti tene a ga na ni na ndo so mbi duti dä,+ ndani nyen si mo na ala kue ayeke bâ ni tongana mbumbuse ye?* Ngbanga ti nyen mo ngbâ ti ne amolenge ti mo ahon mbi? Mo na ala kue ayeke te anzoni mbage ti asandaga oko oko kue so azo ti mbi, azo ti Israël, amû, na ala yeke kono.+
30 “‘Tongaso, Jéhovah Nzapa ti Israël atene: “A yeke tâ tënë so lani mbi tene so ahale ti mo na ahale ti kotara ti mo ayeke sara kua lakue na gbele mbi.”+ Me ti fadeso, Jéhovah atene: “Ti mbi, mbi pensé a yeke duti tongaso encore ape, ndali ti so azo so ane mbi, mbi yeke ne ala,+ me azo so ake mbi na bê ti ala oko, mbi yeke sara si a sara ye na ala na mbeni lege so ane zo pëpe.”
31 Ande mbi yeke zi ngangu* so mbi mû na mo nga na ahale ti kotara ti mo, na mbeni zo na popo ti ahale ti mo so ayeke te ande gigi juska lo ga mbakoro ayeke duti dä pëpe.+
32 Na ngoi so azo ti Israël ayeke wara aye ti nzoni, mo yeke bâ ti mo gï mbeni zo so ake mo na ndo so mbi duti dä;+ na mbeni hale ti mo so aga mbakoro ayeke duti dä mbeni pëpe.
33 Zo ti mo so mbi zia lo ti ngbâ ti sara kua na terê ti gbalaka ti mbi, lo yeke sara si lê ti mo abâ ndo nzoni mbeni pëpe nga lo yeke sara si mo duti na vundu,* na azo ayeke fâ mingi ti ahale ti mo na épée.+
34 Ye so ayeke si ande na amolenge ti mo use, Hophni na Phinéhas, ayeke duti fä ndali ti mo: gï na lango oko, ala use kue ayeke kui.+
35 Na pekoni, mbi yeke soro mbeni prêtre so ayeke be-ta-zo ti sara kua ti mbi.+ Lo yeke sara ye tongana ti so bê ti mbi aye;* mbi yeke leke na lo da* so angbâ aninga, na lo yeke sara kua lakue na gbele zo so mbi soro lo.
36 Hale ti mo kue so angbâ ayeke ga ti kuku na gbe ti zo so asara kua ti prêtre ti hunda kua si lo wara nginza nga na mapa. Lo yeke voro yanga, lo tene: “Pardon, mû mbi na kua ti prêtre si mbi wara mapa ti tengo ni.”’”+
Akete tënë na terê ni
^ Wala “ayâa didi ti mbi na nduzu.” Bâ na kete bakari.
^ Na Hébreu: “lo hule.”
^ Wala “lo kiri na zo na fini.”
^ Wala “Shéol,” so ti tene dû ti kuâ so azo kue ayeke gue dä. Bâ na kete bakari.
^ A lingbi nga ti tene “ndo ti tukungo asaleté dä.”
^ A lingbi nga ti tene “Azo so atiri na Jéhovah, mbeto ayeke hon ndö ti ala.”
^ Na Hébreu: “yâa na nduzu didi ti.” Bâ na kete bakari.
^ Wala “ayeke sara na.”
^ Wala “so âme ti mo asara nzara ni.”
^ Na Hébreu: “lo kanga.”
^ A lingbi nga ti tene “Nzapa ayeke fâ yâ ti ngbanga ni na lo.”
^ A lingbi nga ti tene “ti sara si guru ti sandaga ni amonté.”
^ Na Hébreu: “gi ti dö ni na gere?”
^ Na Hébreu: “maboko.”
^ Wala “lo yeke sara si âme ti mo awoko kue na vundu.”
^ Wala “alingbi na ye so ayeke na bê ti mbi nga so âme ti mbi aye.”
^ “Da” ni ge ayeke ahale ti lo so ayeke sara kua ti prêtre.
