Josué 12:1-24
12 Bâ agbia so azo ti Israël asö benda na ndö ti ala la, so ala mû sese ti ala na mbage ti est ti Ngu ti Jourdain, ti londo na Popo-hoto* ti Arnon+ ti si na Hoto ti Hermon+ nga na Arabah kue na mbage ti est:+
2 A yeke Sihon+ gbia ti azo ti mara ti Amori, lo so asara kodro na Hesbon na lo komande ti londo na Aroër,+ so ayeke na yanga ti Popo-hoto* ti Arnon+ nga ti londo na yâ ti popo-hoto ni, na ndambo ti Galaad juska na Popo-hoto* ti Jabboc, so ayeke yanga ti sese ti kodro ti azo ti Ammon.
3 Lo komande nga na ndö ti Arabah juska na Kota ngu ti Kinnéreth*+ ti gue na mbage ti est, juska na Kota ngu ti Arabah, Kota ngu ti gbâ ti ingo,* na mbage ti est ti gue na Beth-Jéshimoth na mbage ti sud na ando so ayeke na terê ti Hoto ti Pisgah.+
4 Ala mû nga sese ti Og,+ gbia ti Basan, tanga ti azo ti Rapha,+ so asara kodro na Ashtaroth nga na Édréi;
5 lo komande na ndö ti Hoto ti Hermon, Salécah, Basan+ kue juska na yanga ti sese ti kodro ti azo ti mara ti Guéshur, azo ti mara ti Maacath+ nga na ndambo ti kodro ti Galaad ti si na sese ti Sihon, gbia ti Hesbon.+
6 Moïse, wakua ti Jéhovah, na azo ti Israël asö benda na ndö ti ala,+ na pekoni Moïse, wakua ti Jéhovah, amû sese ti ala lo kangbi ni na azo ti mara ti Ruben, ti Gad nga na ndambo ti mara ti Manassé.+
7 Bâ agbia ti akodro so Josué na azo ti Israël asö benda na ndö ti ala na mbage ti ouest ti Ngu ti Jourdain, ti londo na Baal-Gad+ so ayeke na Popo-hoto ti Liban+ juska na Hoto ti Halac,+ so amonté na Séir;+ na pekoni Josué amû sese ti ala ni lo kangbi na azo ti Israël alingbi na amara ti Israël na aga ti ala;+
8 ando so ahoto ayeke dä, Séphélah, Arabah na ando so ayeke na terê ti ahoto ni, na yâ ti désert nga na Négueb,+ a yeke sese ti azo ti mara ti Heth, ti azo ti mara ti Amori,+ ti azo ti Canaan, ti azo ti Périzzi, ti azo ti Hévi na ti azo ti mara ti Jébus:+
9 Gbia oko, ti Jéricho;+ gbia oko, ti Aï,+ so ayeke na terê ti Béthel;
10 gbia oko, ti Jérusalem; gbia oko, ti Hébron;+
11 gbia oko, ti Jarmuth; gbia oko, ti Lakish;
12 gbia oko, ti Églon; gbia oko, ti Guézer;+
13 gbia oko, ti Debir;+ gbia oko, ti Guéder;
14 gbia oko, ti Hormah; gbia oko, ti Arad;
15 gbia oko, ti Libnah;+ gbia oko, ti Adullam;
16 gbia oko, ti Makkédah;+ gbia oko, ti Béthel;+
17 gbia oko, ti Tappuah; gbia oko, ti Hépher;
18 gbia oko, ti Aphec; gbia oko, ti Lassaron;
19 gbia oko, ti Madon; gbia oko, ti Hazor;+
20 gbia oko, ti Shimron-Méron; gbia oko, ti Acshaph;
21 gbia oko, ti Taanak; gbia oko, ti Méguiddo;
22 gbia oko, ti Kédesh; gbia oko, ti Jocnéam+ so ayeke na Carmel;
23 gbia oko, ti Dor, so ayeke na ndö ti hoto ti Dor;+ gbia oko, ti Goiim so ayeke na Guilgal;
24 gbia oko, ti Tirzah. Wungo ti agbia ni kue ayeke 31.
Akete tënë na terê ni
^ Bâ na kete bakari.
^ Bâ na kete bakari.
^ Bâ na kete bakari.
^ So ti tene Mer Morte.
^ So ti tene Kota ngu ti Gennésareth, wala Kota ngu ti Galilée.
