Lévitique 3:1-17
3 “‘Tongana sandaga ti zo ni ayeke sandaga ti beoko,*+ na tongana a yeke bagara la lo ye ti mû, a yeke nzoni lo mû koli ni wala wali ni so sioni ayeke na terê ti lo pëpe si lo ga na ni na gbe ti Jéhovah.
2 Lo yeke zia ande maboko ti lo na ndö ti li ti nyama ni, na a yeke fâ lo na yanga ti tente ti bungbi. Aprêtre, amolenge ti Aaron, ayeke fi mênë ni na terê ti gbalaka ni kue.
3 Lo yeke mû ande mbeni mbage ti sandaga ti beoko ni ti tene a zö ni na Jéhovah:+ a yeke mafuta+ so ayeke na ndö ti akamba ti yâ ni, mafuta kue so ayeke na terê ti akamba ti yâ ni
4 nga arognon use na mafuta so ayeke na terê ni si ayeke nduru na filet. Lo yeke zi nga ande aye so ayeke na terê ti foie legeoko na arognon ni.+
5 Amolenge ti Aaron ayeke zö ande ni na ndö ti gbalaka, na ndö ti sandaga so a zö ni agbi kue, so ayeke na ndö ti akeke so ayeke na lê ti wâ ni;+ a yeke sandaga so fion ni afun nzoni na hôn ti Jéhovah.*+
6 “‘Tongana a yeke taba wala ngasa la lo ye ti mû na sandaga ti beoko, a yeke nzoni lo mû koli ni wala wali ni so sioni ayeke na terê ti lo pëpe.+
7 Tongana kete koli-taba la lo ye ti mû na sandaga, lo yeke ga na ni na gbe ti Jéhovah.
8 Lo yeke zia ande maboko ti lo na ndö ti li ti nyama ni, na a yeke fâ lo na devant ti tente ti bungbi. Amolenge ti Aaron ayeke fi mênë ni na terê ti gbalaka ni kue.
9 Lo yeke zö ande mafuta ti nyama ti sandaga ti beoko ni na Jéhovah.+ Lo yeke fâ damba ni so ayeke gï mafuta mafuta so ayeke nduru na bio ti peko ni; lo zi nga mafuta so ayeke na ndö ti akamba ti yâ ni, mafuta kue so ayeke na terê ti akamba ti yâ ni
10 nga arognon use na mafuta so ayeke na terê ni si ayeke nduru na filet. Lo yeke zi nga ande aye so ayeke na terê ti foie legeoko na arognon ni.+
11 Prêtre ni ayeke zö ni na ndö ti gbalaka tongana kobe* so a zö ni na sandaga na Jéhovah.+
12 “‘Tongana ngasa la lo ye ti mû na sandaga, lo yeke ga na ni na gbe ti Jéhovah.
13 Lo yeke zia ande maboko ti lo na ndö ti li ti nyama ni, na a yeke fâ lo na devant ti tente ti bungbi. Amolenge ti Aaron ayeke fi mênë ni na terê ti gbalaka ni kue.
14 Mbage so lo yeke mû ande ni ti tene a zö ni na sandaga na Jéhovah ayeke mafuta so ayeke na ndö ti akamba ti yâ ni, mafuta kue so ayeke na terê ti akamba ti yâ ni+
15 nga arognon use na mafuta so ayeke na terê ni si ayeke nduru na filet. Lo yeke zi nga ande aye so ayeke na terê ti foie legeoko na arognon ni.
16 Prêtre ni ayeke zö ni na ndö ti gbalaka tongana kobe* so a zö ni na sandaga, so fion ni afun nzoni na hôn ti Nzapa.* Mafuta ni kue ayeke ti Jéhovah.+
17 “‘Bâ mbela so ayeke ngbâ aninga teti ala na ahale ti ala na ando kue so ala yeke sara kodro dä: Ala te mafuta wala mênë pëpe.’”+
Akete tënë na terê ni
^ Wala “sandaga ti dutingo na siriri na zo so lo mû ni na lo.”
^ Wala “adë bê ti Jéhovah.” Na Hébreu: “asara si Jéhovah awu terê ti lo.”
^ Na Hébreu: “mapa,” so ti tene part ti sandaga ti beoko so ayeke ti Nzapa.
^ Na Hébreu: “mapa,” so ti tene part ti sandaga ti beoko so ayeke ti Nzapa.
^ Wala “adë bê ti Nzapa.” Na Hébreu: “asara si Nzapa awu terê ti lo.”
