aProverbe 17:1-28
17 A yeke nzoni ti te hulengo mapa na ndo so siriri ayeke dä*+ahon ti te gbâ ti apendere kobe ti matanga* na yâ ti da so papa ayeke dä.+
2 Zo ti kua so ahinga ti bâ yâ ti aye nzoni ayeke komande na ndö ti molenge ti da so ayeke sara ye ti kamene;lo yeke wara ande héritage tongana tanga ti aita ti molenge ti da ni.
3 Ta ti tongo na wen ayeke ti zi na saleté ti argent, nga four ayeke ndali ti lor,+me Jéhovah la ayeke bâ yâ ti bê ti zo.+
4 Zo ti sioni adengi mê ti mä atënë so asara sioni na zo,nga zo ti handango zo ayeke mä atënë ti mvene so abuba iri ti zo.+
5 Zo so ahe awayere azonga Zo so asara lo,+nga zo so ayeke na ngia ndali ti ye ti ngangu so awara mba ti lo, lo yeke ngbâ senge pëpe.+
6 A-âta ti ambakoro ayeke couronne ti ala,nga ababâ* ayeke gloire ti amolenge ti ala.
7 Zo ti buba akpa pëpe ti tene atënë so ayeke na lege ni.*+
Tongaso, a yeke na lege ni oko pëpe ti tene zo ti komande* atene mvene.+
8 Matabisi ayeke tongana mbeni tênë ti ngangu ngere na lê ti wani;*+ndo kue so lo gue dä, matabisi ni ayeke sara si ye ti lo aga nzoni.+
9 Zo so apardonné* afaute agi lege ti ndoye,+me zo so angbâ lakue ti kiri na ndö ti mbeni tënë asara si akota kamarade akangbi.+
10 Ti suku na zo so ahinga ndo ayeke ndu bê ti lo mingi+ahon ti zo ti buba so a pika lo fani ngbangbo oko.+
11 Zo ti sioni agi gï ti sara ngangu-li,me a yeke tokua mbeni zo so abâ mawa ti zo pëpe ti punir lo.+
12 A yeke nzoni ti tingbi na mama ti ours so a zi amolenge ti lo ahon na niahon ti tingbi na zo ti buba so ayeke sara ye ti buba.+
13 Tongana zo akiri sioni na place ti nzoni,sioni ayeke zia da ti lo pëpe.+
14 Tongo nda ti tiri ayeke tongana zingo lege ti gbâ ti ngu.*
Kozo si papa alondo, londo mo hon ti mo.+
15 Zo so azi tënë na li ti zo ti sioni nga na zo so afâ ngbanga na li ti zo ti mbilimbili,+ala use kue ayeke sioni mingi na lê ti Jéhovah.
16 Tongana zo ti buba ayeke na moyen ti wara ndara, me li ti lo ayeke dä pëpe,*nzoni ti nyen la lo yeke wara dä?+
17 Tâ kamarade aye mba ti lo na ngoi kue+nga lo yeke mbeni ita so a dü lo ndali ti angoi ti vundu.+
18 Zo so li ti lo ayeke dä pëpe aserré maboko na mbeni zo na lo mä terê na zo ni,na lê ti mba ti lo, ti futa bon na place ti zo ni.+
19 Zo so aye papa aye kengo ndia.+
Zo so asara si yanga ti gbagba ti lo ayo na nduzu mingi, aye ti lo ayeke buba kue.+
20 Zo so bê ti lo ayeke kirikiri, aye ti lo ayeke ga nzoni pëpe,+nga zo so atene atënë ti mvene, gigi ti lo ayeke buba.
21 Zo so aga babâ ti molenge so ayeke zo ti buba ayeke wara vundu;nga babâ ti molenge so li ti lo ayeke dä pëpe ayeke na ngia pëpe.+
22 Bê so ayeke na ngia ayeke nzoni yorö,*+me bê so awoko kue azi ngangu ti zo kue.*+
23 Zo ti sioni amû goro so a pete na lo na hondengo nisi lo fâ ngbanga na lege ni pëpe.+
24 Ndara ayeke tâ na devant ti lê ti zo so abâ yâ ti aye nzoni,me lê ti zo ti buba ayeke bâ ndo juska na nda ti sese kue.+
25 Molenge ti buba amû vundu na babâ ti longa lo zia kota vundu na bê ti zo so adü lo.+
26 A yeke nzoni pëpe ti punir* zo ti mbilimbili,nga ti pika na keke azo so a ne ala ayeke na lege ni pëpe.
27 Zo so ayeke na hingango ye adiko tënë mingi pëpe,+nga zo so abâ yâ ti aye nzoni aduti kpô.+
28 Même zo ti buba so aduti kpô, a yeke bâ lo tongana zo ti ndara;nga zo so akanga yanga ti lo, a yeke bâ lo tongana zo so abâ yâ ti aye nzoni.
Akete tënë na terê ni
^ Na Hébreu: “asandaga.”
^ Wala “na ndo so ayeke kpô.”
^ Wala “ababâ na amama.”
^ Wala “kota zo.”
^ Wala “atënë so ayeke nzoni mingi.”
^ Wala “mbeni tênë so asara si wani abâ nzoni dä.”
^ Na Hébreu: “akanga ndö ti.”
^ Wala “tongana zingo barrage ti mbeni ngu.”
^ Na Hébreu: “bê ti lo ayeke dä pëpe.”
^ Wala “ayeke nzoni ti sava zo.”
^ Wala “asara si abio ahule.”
^ Wala “ti mû amende na.”
