Job 24:1-25
24 “Ndali ti nyen Lo so ngangu ti lo ahon angangu kue afa mbeni ngoi ape?+
Ndali ti nyen azo so ahinga lo abâ lango* ti lo ape?
2 Azo achangé place ti ye so afa yanga ti mbeni sese;+ala mû anyama ti amba ti ala, ala gue na ni na ndo ti tengo pere ti anyama ti ala.
3 Ala mû kororo ti amolenge so babâ ti ala ayeke dä pëpe ahon na ni;ala gbu koli-bagara ti mbeni wali-mua na place ti bon.*+
4 Ala tomba awayere na lege;a lingbi azo ti mawa ti sese ni ahonde terê ti ala si ala bâ ala pëpe.+
5 Awayere agi kobe tongana ti so akororo ti ngonda+ agi kobe na yâ ti benyama;ala gi kobe ndali ti amolenge ti ala na yâ ti désert.
6 Ala yeke ro alê ti kobe na yaka* ti ambeni zo nde,na ala ro tanga ti kobe ti yaka ti vigne ti azo ti sioni.
7 Na bï, ala lango terê ti ala senge, sân bongo;+ala yeke na ye ti bi na terê ti ala ndali ti dê pëpe.
8 Ngu-nzapa ti ndo so ahoto ayeke dä apika ala;ala hule na terê ti akota tênë ndali ti so ndo ti bata terê ti ala ayeke dä pëpe.
9 Molenge so babâ ti lo ayeke dä pëpe, a gboto lo na yanga ti me ti mama ti lo,+na a mû bongo ti awayere na place ti bon.+
10 Tongaso ala tambela terê ti ala senge, sân bongo,na ala yeke yô akobe ti yaka na nzara na yâ ti ala.
11 Ala ngbâ ti sara kua ngangu na ayaka ti vigne so ayeke na terê ti ahoto na ngoi so lâ ayeke su ngangu;*ala dö alê ti vigne, me nzara ti ngu ahon ndö ti ala.+
12 Zo so ayeke gue ti kui angbâ ti dema na yâ ti gbata,na zo so awara kota kä* ayeke dekongo ti tene a mû maboko na lo,+me na lê ti Nzapa, a yeke sioni pëpe.*
13 Ambeni zo ayeke dä so ake lumière;+ala hinga lege so lumière aye ti fa na ala so pëpena ala mû lege ti lumière ni pëpe.
14 Zo ti fango zo alondo na kota ndapre,lo fâ azo ti mawa nga na awayere;+me na bï, lo mû kua ti nzi.
15 Lê ti zo ti gingo wali nde aku lindango ti lâ,+na lo tene: ‘Zo ayeke bâ mbi pëpe.’+
Nga lo honde lê ti lo.
16 Na bï, ala lï na da ti azo na ngangu;*na kota lâ, ala ngbâ gï na yâ ti da.
Lumière ahinga ala pëpe.+
17 Na ala, ndapre ayeke tongana kota bingo;ala hinga mbeto ti kota bingo nzoni mingi.
18 Me ngu ahon na ala gï hio tongaso.*
A yeke deba sese ti ala.+
Zo ti sioni ayeke kiri ande ti bâ yaka ti vigne ti lo pëpe.
19 Legeoko tongana buru nga na ndowa asara si angu ti neige ahon,Dû ti kuâ* amû azo so asara siokpari ahon na ala.+
20 Mama* ti lo ayeke girisa na ndö ti lo, na angusu ayeke sara matanga na ndö ti lo.
Azo ayeke dabe ti ala na lo mbeni pëpe.+
A yeke kungbi yâ ti azo ti kirikiri tongana ti so a kungbi yâ ti keke.
21 Lo sara sioni na wali so adü pëpe,na lo sara sioni na wali-mua nga.
22 Na lege ti ngangu ti Nzapa,* lo yeke futi azo ti ngangu;atâa so ala lingbi ti wara kota ndo, ala yeke pëpe na mbeni ye so afa so ala yeke ngbâ na fini.
23 Nzapa azia* si ala bâ so ala duti nzoni;+me lê ti lo ayeke na ndö ti ye kue so ala sara.*+
24 A yâa ala na nduzu teti kete ngoi, na pekoni ala yeke dä mbeni pëpe.+
A kiri na ala na gbe ni+ na a bungbi ala tongana tanga ti azo kue;a fâ ala tongana ti so zo ayeke fâ li ti lê ti kobe.
25 Fadeso, zo wa la alingbi ti tene so mbi yeke zo ti mvenewala ake tënë ti mbi?”
Akete tënë na terê ni
^ So ti tene lango ti lo ti fango ngbanga.
^ Wala “tongana mbeni ye so a bata ni na place ti bon.”
^ A lingbi nga ti tene “Ala yeke ro kobe ti anyama na yaka.”
^ A lingbi nga ti tene “Ala pete mafuta ti olive na popo ti agbagba.”
^ Wala “âme ti azo so awara kä.”
^ A lingbi nga ti tene “Nzapa afâ ngbanga na li ti zo ndali ni pëpe.”
^ Na Hébreu: “akôro dû na da ti azo.”
^ Na Hébreu: “lo sua hio na lê ti angu ni.”
^ Wala “Shéol,” so ti tene dû ti kuâ so azo kue ayeke gue dä. Bâ na kete bakari.
^ Na Hébreu: “Yâ ti mama.”
^ Na Hébreu: “lo.”
^ Na Hébreu: “Lo zia.”
^ Na Hébreu: “na ndö ti sarango ye ti terê ti ala.”
