Job 8:1-22
8 Bildad,+ zo ti mara ti Shuah,+ atene na lo:
2 “Mo yeke ngbâ ti sara tënë tongaso juska lawa?+
Atënë ti yanga ti mo ayeke gï kota pupu.
3 Nzapa ayeke ba yâ ti ngbanga?
Wala Lo so ngangu ti lo ahon angangu kue ayeke ba yâ ti ye so ayeke mbilimbili?
4 Tongana amolenge ti mo asara siokpari na terê ti lo,lo zia si a punir ala ndali ti kpengba-li ti ala,
5 me tongana mo bâ ndo na mbage ti Nzapa,+na mo voro yanga na Lo so ngangu ti lo ahon angangu kue ti sara nzoni bê na mo,
6 na tongana biani bê ti mo avuru na mo sara ye na lege ni,+lo yeke mä toto ti mo*na lo yeke kiri na mo na tâ place ti mo.
7 Atâa so na tongo nda ni, ye ti mo ayeke kete,kekereke ti mo ayeke duti ande kota.+
8 Pardon, mo hunda azo ti angoi so aga kozo na mo,na mo dengi mê mo mä aye so ababâ ti ala ahinga ni,+
9 ndali ti so a dü e gï biri, na e hinga ti e ye oko pëpe,nga alango so e sara na sese ayeke hon tongana gbe ti dê.
10 Ala yeke fa ye na mo ape?
Ala yeke fa na mo ye so ala hinga so ape?*
11 Papyrus ayeke maï na ndo so ngu aluti dä ape?
Sosongo ayeke maï tongana ngu ayeke dä ape?
12 Na ngoi so fleur ni angbâ kete, nga ade ti fâ ni pëpe,a yeke hule kozo na tanga ti apere ni.
13 A yeke ye so ayeke si ande na* azo kue so agirisa Nzapa,ndali ti so beku ayeke dä pëpe teti zo so akpe Nzapa pëpe.*
14 Ala so confiance so ala yeke na ni ayeke gï senge senge,na so ye so ala sara confiance na ni akpengba pëpe tongana gbanda* ti tere.
15 Lo calé terê ti lo na terê ti da ti lo, me da ni angbâ na nduzu pëpe;lo gi ti gbu da ni, me a yeke tï.
16 Lo yeke tongana keke so ngu ti yâ ni ayeke mingi na lê ti lâ,na so akete keke ni asigi amû ndo na yâ ti yaka.+
17 Gere ni alï na popo ti atênë;lo gi ti wara mbeni da na popo ti atênë.*
18 Me tongana a gboto* ni na ndo ni so awe,ndo ni ake lo nga atene: ‘Mbi bâ mo lâ oko pëpe.’+
19 A yeke tongaso la lo yeke girisa,*+na pekoni ambeni keke ayeke sigi na yâ ti sese ni.
20 Ti tâ tënë ni, Nzapa ayeke ke pëpe azo so angbâ lakue ti sara ye mbilimbili,*na lo yeke mû maboko na* azo ti sioni pëpe;
21 lo yeke sara si mo he ngia,nga yanga ti mo ayeke dekongo na ngia.
22 Azo so ake mo, kamene ayeke ga bongo ti ala,na tente ti azo ti sioni ayeke duti dä encore ape.”
Akete tënë na terê ni
^ Wala “lo yeke londo ndali ti mo.”
^ Na Hébreu: “Ala yeke sigi na atënë so ayeke na bê ti ala so ape?”
^ Na Hébreu: “So ayeke alege ti.”
^ Wala “apostat.”
^ Na Hébreu: “da.”
^ Wala “lo bâ ndo na mbage ti mbeni da ti tênë.”
^ Wala “a mene.”
^ Wala “lege ti lo ayeke girisa biani biani.”
^ Wala “azo so tënë ayeke na li ti ala pëpe.”
^ Na Hébreu: “gbu maboko ti.”
