Jacob ahinga lani so Jéhovah ayeke Nzapa so a lingbi a voro gï lo lo oko, atâa so ade Jéhovah asigi na mbeni ndia na ndö ti vorongo yanda ape (Ex 20:3-5). Tongaso, na peko ti so Jéhovah atene na Jacob ti kiri na Béthel, Jacob atene na azo kue so ayeke na lo ti zi ayanda ti ala. Na pekoni, Jacob abi ayanda ni, na popo ni a yeke wara aye ti mê so peut-être ala yü ni tongana waraga (Ge 35:1-4). Kite ayeke dä ape so aye so Jacob asara so anzere na Jéhovah.

Laso, tongana nyen la e lingbi ti voro Jéhovah gï lo oko awe? Mbeni kpengba ye so e doit ti sara ayeke ti ke aye kue so ague oko na vorongo yanda wala sarango yorö. Ye so aye ti tene e bi aye kue so andu sarango yorö nga e bâ yâ ti angia so e yeke sara nzoni. Na tapande, hunda terê ti mo: ‘Eskê abuku wala afilm na ndö ti nyongo mênë ti azo, ti azo so azingo na kuâ ti te zo wala ti aye ti ndima anzere na mbi? Ambeni ngia so mbi yeke sara afa aye ti magie, sarango sioni na zo na lege ti yorö wala debango zo tongana ye so ayeke sioni ape?’ A lingbi e ke aye kue so Jéhovah ake.—Ps 97:10.

BÂ VIDÉO “LUTI NA ZABOLO,” NA PEKONI HUNDA ATËNË SO:

• Kpale wa la Palesa so ayeke mbeni wamandango Bible atingbi na ni?

• Ngbanga ti nyen ayeke lege ti ndara ti gi mungo maboko ti a-ancien na yâ ti aye so andu sarango yorö?

• Tongana e ye ti tene Jéhovah abata e, aye wa la a lingbi e bi ni kue?

• Kpengba ye wa la Palesa asara?

• Na ndo so mo yeke dä, ambeni lege ti kpe aye ti asioni yingo ayeke so wa?