Création afa na gigi gloire ti Jéhovah (Ps 19:1-4; 139:14). Ye oko, Zabolo apusu azo ti mä na bê na atënë so azo atene na ndö ti lege so fini abâ gigi, atënë ni so abi zonga na ndö ti Nzapa (aRm 1:18-25). Tongana nyen la mo lingbi ti kanga lege na mara ti atënë tongaso ti maï na yâ ti bê ti amolenge ti mo? Na ngoi so ala de kete, mû maboko na ala ti mä na bê so Jéhovah ayeke dä nga so lo yeke bi bê na ala oko oko kue (2aC 10:4, 5; aÉp 6:16). Gi ti hinga tënë so ayeke na gbe ti bê ti ala na ndö ti aye so a fa na ala na ekole, nga sara kua na gbâ ti agbakuru so ayeke dä ti ndu bê ti ala.—aPr 20:5; Jac 1:19.

BÂ VIDÉO AMBA TI MO ATENE TI ALA NYEN?—MANGO NA BÊ NA NZAPA, NA PEKONI KIRI TËNË NA AHUNDANGO NDO SO GE:

• Tënë ti mvene wa so andu mango na bê na Nzapa amû ndo mingi?

• Nyen la a fa na mo na ekole?

• Nyen la ague na mo ti yeda so Jéhovah ayeke dä?

• Tongana nyen la mo lingbi ti mû maboko na mbeni zo ti yeda so Nzapa la acréé aye kue?