Na yâ ti fango tënë ti Jésus, lo sara kua na aye so asi ti fa aye ti manda dä (Lc 13:1-5). Mo kue mo peut ti sara kua na aye so asi ti zia nzara ti tënë ti Royaume na yâ ti azo. Na peko ti so mo sara tënë ti ngere ti aye so ague na li ni, aye tongana ngu so asuku amû ndo, awusuwusu so alondo na yâ ti kodro, nyongo drogue wala ambeni ye ni nde awe, hunda mbeni tënë so ayeke pusu zo ti gbu li ti lo. Mo peut ti hunda mo tene: “Ala pensé so . . . ayeke hunzi ande ape?” Wala “Ala pensé so nyen la apeut ti sara si . . . ahunzi?” Na pekoni, fa na zo ni mbeni versê so ague oko na tënë ni. Tongana zo ni asara nzara ti tënë ni, fa na lo mbeni vidéo wala mbeni mbeti so ayeke na yâ ti agbakuru so e yeke fa na ye na azo. Na ngoi so e yeke sara kue ti ndu bê ti azo ti territoire ti e, zia e “sara ye kue ndali ti nzoni tënë.”​—1aC 9:22, 23.

Atënë wa la apeut ti nzere na azo ti territoire ti mo mingi?