Ndangba Matanga ti Pâque so Jésus asara aye ti fa mbeni ye. So lo ga nduru ti kui, lo leke ti te kobe ti Pâque legeoko na abazengele ti lo; nga, lo zia mbeni fini matanga so a yeke sara ni ngu oko oko na sese, a yeke kobe ti Seigneur. Tongaso, Jésus atokua Pierre na Jean ti leke mbeni kubu ndali ni. (Lc 22:7-13; bâ foto ti couverture ni.) Ye so afa na e so, e doit ti leke terê ti e ndali ti Mémorial so ayeke na lango 27 ti mars. Kite ayeke dä ape so acongrégation ayeke leke aye ndali ti mbeni wamungo diskur, vin na mapa nga na ambeni ye so andu ni. Me nyen la e oko oko e peut ti sara ti leke terê ti e ndali ti Mémorial ni?

Leke bê ti mo. Diko aversê so a zia ndali ti Mémorial ni nga gbu li na ndö ni. Kapa ni ayeke na yâ ti Gingo nda ti Tënë ti Nzapa lâ oko oko. Ti hinga ambeni kete détail na ndö ni, bâ ambeni tënë na mbage B12 ti Mbeti ti Nzapa ti fini dunia. (Bâ nga Mbeti ti Bungbi: Kusala ti e nga na gigi ti e ti Chrétien ti avril 2020.) Asewa alingbi ti gi na yâ ti Index des publications des Témoins de Jéhovah wala Mbeti ti sarango na recherche ndali ti aTémoin ti Jéhovah ambeni tënë na ndö ti nene ti ye so afuta ti zi azo ti bâ na ngoi ti vorongo Nzapa na yâ ti sewa.

Tisa azo. Mû mbage mingi na kapa ti tisango azo. Pensé na azo so mo peut ti tisa ala, na tapande avizite ti mo, azo so mo sara étude na ala kozo, azo so mo hinga ala nga na afami ti mo. A-ancien adoit ti sara kue ti tene a tisa azo so azia ti fa tënë nga ti gue na abungbi. Girisa ape so, tongana mbeni zo alango na quartier ti mo ape, mo peut ti hinga l’heure nga na ndo so lo yeke sara Mémorial ni dä na ndö ti jw.org, cliqué na ndö ti ASANGO NA NDÖ TI E, na soro “Dango bê na kuâ ti Jésus.”

Mbeni ye nde wa la e peut ti sara ti leke terê ti e?