1. Nyen la alingbi ti si na e tongana e découragé?

LÂ NA LÂ, e yeke tingbi na akpale na e yeke sara kue ti hon ndö ni. Me a yeke ngangu na e ti hon ndö ti akpale tongana e découragé. Tongaso, a lingbi e girisa ape so tongana e découragé, e lingbi ti bâ so e yeke ye oko ape nga e lingbi ti duti na ngia ape. A-Proverbe 24:10 nga na kete tënë na gbe ni atene: “Tongana bê ti mo anze kue na yâ ti angoi ti kpale, ngangu ti mo ayeke kiri gï kete.” Tongana e découragé, a lingbi ti sara si e woko na a yeke duti ngangu mingi na e ti hon ndö ti akpale ti e.

2. Aye wa la apeut ti sara si e découragé? Nyen la e yeke bâ na yâ ti article so?

² Aye mingi alingbi ti sara si e découragé, na tapande, afaute ti e, aye so e yeke na ngangu ti sara ape nga na akpale ti seni. A lingbi ti duti nga akua so e sara nzara ti wara na yâ ti bungbi me e wara ape wala fango tënë na yâ ti mbeni territoire so azo ayeke mä e ape. Na yâ ti article so, e yeke bâ ambeni ye so e lingbi ti sara tongana e découragé.

3. Nyen la alingbi ti mû maboko na e ti duti na nzoni bango ndo na ndö ti awokongo ti e?

³ A yeke ngangu na e ape ti duti na bango ndo so ayeke na lege ni ape na ndö ti e wani nga na ndö ti awokongo ti e. Ye so alingbi ti sara si e pensé so ndali ti afaute so e sara, Jéhovah ayeke yeda ape ti tene e lï na yâ ti fini dunia. A yeke sioni mingi ti pensé tongaso. A yeke nzoni e bâ awokongo ti e tongana nyen? Bible afa so gï Jésus oko la asara siokpari ape, me tanga ti azo kue “asara siokpari awe”. (aRom. 3:23). Me Jéhovah ayeke gi gï pëpe ti bâ afaute so e sara, wala lo ku pëpe ti tene e  duti mbilimbili-kue. Lo yeke mbeni Babâ so asara ye na ndoye nga lo ye ti mû maboko na e. Lo yeke kanga nga bê na e. Lo hinga so a yeke kete ye na e ape ti sara ye na lege ni nga ti duti na nzoni bango ndo na ndö ti e wani nga lo yeke nduru ti mû maboko na e.—aRom. 7:18, 19.

4-5. Ti gue oko na 1 Jean 3:19, 20, nyen la aita-wali use asara ti tene ala découragé ahon ndö ni ape?

⁴ Bâ tapande ti Déborah nga na Maria. * Na ngoi so Déborah ade molenge, fani mingi azo ti sewa ti lo asara aye ti kamene mingi na lo asara si lo bâ so lo yeke ye oko ape. A yeke ngangu ti tene ala gonda lo lani. Ni la, lo yeke na nzoni bango ndo na ndö ti lo wani ape. Tongana lo sara lani akete kete faute, lo bâ so lo lingbi ti sara ye ti nzoni oko ape. Maria nga ayeke lani na mara kpale so. Afami ti lo asara aye ti kamene mingi na lo. A sara si lo bâ so lo yeke ye oko ape. Même na peko ti batême ti lo, lo bâ so lo lingbi ape ti duti Témoin ti Jéhovah.

⁵ Ye oko, aita-wali use so azia ti sara na Jéhovah ape. Ngbanga ti nyen? Ngbanga ti so ala sambela Jéhovah ala fa na lo atënë ti bê ti ala (Ps. 55:22). Ala bâ so Babâ ti e ti yayu so aye e mingi ahinga so aye ti sioni so asi na e ândö apeut ti sara si e duti na asioni pensé na ndö ti e wani. Me lo yeke bâ nga anzoni sarango ye ti e même tongana e wani e bâ ni ape.—Diko 1 Jean 3:19, 20.

6. Tongana mbeni zo akiri asara mbeni faute so lo sara kozo, a lingbi lo sara nyen?

⁶ Mbeni zo so ayeke gi ti hon ndö ti mbeni sioni sarango ye so alï lo ngangu apeut ti kiri ti sara ni encore, na a sara si lo découragé. Tongana e sara siokpari, a yeke sara ka e nzoni ape (2 aCor. 7:10). Ye oko, a lingbi e sara ye ahon ndö ni ape na lege so e fâ ngbanga na li ti e wani, e tene: ‘So mbi peut ti sara ye ti nzoni oko ape so, Jéhovah apeut ti pardonné mbi tongana nyen?’ A yeke vrai ape, nga a lingbi ti sara si mo zia ti sara na Jéhovah. Girisa ape ye so aProverbe 24:10 atene tongana e découragé, ngangu ti e ayeke kiri gï kete. Ahon ti tene mo découragé, “leke tënë” na Jéhovah na lege so mo sambela lo nga mo hunda lo ti pardonné mo (És. 1:18). Tongana Jéhovah abâ so mo changé bê ti mo biani, lo yeke pardonné mo. Nga, sara lisoro na a-ancien. Ala yeke kanga bê ti aidé mo ti kiri ti duti na nzoni songo na Jéhovah.—Jacq. 5:14, 15.

7. Ngbanga ti nyen la e doit ti découragé ape tongana a yeke ngangu na e ti sara ye na lege ni?

⁷ Jean-Luc, mbeni ancien na France, ayeke tene ka na azo so agi ti hon ndö ti mbeni wokongo, lo tene: “Zo so ayeke mbilimbili na lê ti Jéhovah ayeke pëpe zo so asara faute lâ  oko ape, me a yeke zo so aregretté afaute so lo sara nga lakue lo yeke changé bê ti lo.” (aRom. 7:21-25). Tongaso, tongana mo yeke gi ti hon ndö ti mbeni wokongo, fâ ngbanga na li ti mo wani ape. So e kue e yeke sara afaute, e bezoin kota nzobe ti Jéhovah, na lo fa ni na e na lege ti ye so a futa ti zi azo.—aÉph. 1:7; 1 Jean 4:10.

8. Tongana e découragé, azo wa la e lingbi ti sara tënë ni na ala ti aidé e?

⁸ Aita ti congrégation alingbi ti kpengba e. Na ngoi so e bezoin ti sara lisoro na mbeni zo, ala peut ti yeda ti mä e nzoni nga atënë ti ala alingbi ti dë bê ti e (aProv. 12:25; 1 aThes. 5:14). Joy, mbeni ita-wali na Nigéria so adécouragé na so agi ti hon ndö ni, atene: “Tongana aita ayeke dä ape, mbi yeke sara tongana nyen? Aye so aita asara ti kpengba mbi afa so Jéhovah ayeke kiri tënë na asambela ti mbi. Ye so ala sara afa na mbi tongana nyen ti kpengba azo so adécouragé.” Me a lingbi e girisa ape so a yeke pëpe lakue la aita ayeke hinga so e bezoin ti tene a kpengba e. Tongaso, peut-être a yeke nzoni ti tene e mû li ni ti sara lisoro na mbeni mba ti e Chrétien so ayeke biazo ti fa na lo so e bezoin mungo maboko.

9. Tongana nyen la Psaume 41:3 nga na 94:19 akpengba e?

⁹ Hunda Jéhovah ti mû maboko na mo. Tongana terê ti e ason nga mbilimbili tongana e yeke na mbeni ngangu kobela, peut-être a yeke ngangu na e ti duti na nzoni bango ndo. Atâa so Jéhovah ayeke sava e laso na lege ti miracle ape, lo yeke dë bê ti e nga lo peut ti mû na e ngangu so e bezoin ni ti gbu ngangu. (Diko Psaume 41:3; 94:19.) Na tapande, peut-être lo yeke pusu mbeni mba ti e Chrétien ti mû maboko na e na ngoi so e bezoin mbeni zo ti aidé e ti sara akua ti da wala ti vo ye na e. Lo peut ti pusu aita ti e ti sambela na e. Wala peut-être lo yeke sara si e dabe ti e na ambeni pensé ti Bible so adë bê ti zo, na tapande, pendere beku ti fini so ayeke mbilimbili-kue na yâ ti fini dunia so kobela nga na pasi ayeke duti ande dä ape.—aRom. 15:4.

10. Ngbanga ti nyen la Isang angbâ lani ti découragé ape na peko ti accident so lo sara?

¹⁰ Isang, so ayeke na Nigéria, asara lani accident so asara si na pekoni lo paralysé. Docteur ti lo atene na lo so lo yeke tambela encore ape. Isang atene: “Vundu ahon ndö ti mbi nga mbi découragé mingi.” Me lo ngbâ gï découragé? Ên-ën. Nyen la amû maboko na lo? Lo tene: “Mbi na wali ti mbi e zia pëpe ti sambela Jéhovah na ti manda Bible. E leke nga na bê ti e ti ngbâ ti kiri singila ndali ti anzoni ye so e wara, so beku ti wara fini na yâ ti fini dunia ayeke nga dä.”

11. Nyen la asara si Cindy ayeke na ngia na ngoi so terê ti lo ason mingi?

¹¹ Mbeni docteur atene lani na Cindy, so ayeke na Mexique, so lo yeke na mbeni kobela so alingbi ti fâ lo. Nyen la lo sara ti kanga bê? Na ngoi so a yeke soigné lo, lo leke na bê ti lo ti fa tënë lâ na lâ. Lo tene: “Fango tënë amû maboko na mbi ti pensé na azo ahon ti pensé na opération ti mbi nga na kobela so ason mbi lani mingi. Bâ ye so mbi yeke sara la: Na ngoi so adocteur wala a-infirmier ayeke sara vizite na mbi, mbi yeke hunda ala wala azo ti sewa ti ala ayeke nzoni. Na pekoni, mbi yeke hunda ala ngbanga ti nyen la ala soro ti sara mara ti ngangu kua so. Ge la a yeke ngangu na mbi ape ti sara lisoro na ndö ti mbeni tënë so andu bê ti ala. Mingi ti ala atene na mbi so a yeke ngangu ti tene mbeni zo ti kobela ahunda ala, atene: ‘Tongana nyen?’ Nga ala kiri singila na mbi so mbi pensé na ala. Ambeni afa même na mbi ndo so ala lango dä wala numéro ti téléphone ti ala. Tongaso, na ngoi ti  ngangu kpale so, Jéhovah asara si mbi yeke na mbeni ngia so mbi pensé même ti wara ape.”—aProv. 15:15.

12-13. Nyen la ambeni ita so terê ti ala ason wala so ayeke na mbeni ngangu kpale ti seni asara ti fa tënë? Ye ti peko ni ayeke nyen?

¹² Aita so terê ti ala ason wala so ayeke na mbeni ngangu kpale ti seni alingbi ti découragé ndali ti so ala lingbi ti fa tënë mingi ape. Me mingi ti ala awara lege ti fa tënë. Teti ngu 37, Laurel, mbeni ita-wali na États-Unis, ayeke gï na yâ ti mbeni masini so amû maboko na lo ti wu. Lo yeke lani na kobela ti cancer, a opéré lo fani mingi nga lo yeke na kpale na poro ti terê ti lo. Me même angangu kpale so akanga lege na lo ti fa tënë ape. Lo fa tënë na a-infirmier nga na ambeni zo so ayeke soigné azo so aga na da ti lo. Ye ti peko ni ayeke nyen? Lo mû maboko na azo 17 tongaso ti ga aTémoin ti Jéhovah. *

¹³ Richard, mbeni ancien na France, ayeke na mbeni nzoni wango ndali ti aita so ayeke gï na yanga-da wala so ayeke na yâ ti mbeni da so a yeke bata ambakoro dä. Lo tene: “Mbi wa ala ti zia ambeti ti e na ndö ti mbeni ye, tongaso si tongana azo ayeke hon, ala yeke bâ ni na ala peut ti hunda tënë na ndö ni. Sarango tongaso alingbi ti kpengba aita ti e so alingbi ti gue da na da encore ape so.” Aita so ayeke gï na yanga-da alingbi ti fa tënë na lege ti alettre wala na lege ti téléphone.

14. Pendere tapande wa la Gbia David azia na e?

¹⁴ Ngu ti zo, seni ti lo wala ambeni ye nde alingbi ti kanga lege na lo ti wara mbeni mbilimbili kua na yâ ti congrégation wala circonscription. Tongana a yeke ye so asi na e la, tapande ti Gbia David alingbi ti fa mbeni ye na e. David aye lani mingi ti leke temple ti Nzapa, me Jéhovah asoro mbeni zo nde ti sara ni. Atâa so kue, David amû maboko mingi na zo so Nzapa asoro lo ti sara ni na lege so lo mû gbâ ti lor na argent ndali ni. So ayeke tâ pendere tapande ti mû peko ni!—2 Sam. 7:12, 13; 1 Chron. 29:1, 3-5.

15. So Hugues adécouragé, nyen la lo sara ti hon ndö ni?

¹⁵ Hugues, mbeni ita-koli na France, azia ti sara kua ti ancien ndali ti akpale ti seni, nga lo lingbi pëpe ti sara même akete kua ti da. Lo tene: “Na tongo nda ni, mbi bâ so mbi yeke ye oko ape nga mbi découragé kue. Me tongana ngoi ayeke hon, mbi bâ so a yeke kota ye ti yeda so mbi yeke na ngangu ti sara ambeni ye encore ape, na mbi yeke na ngia ti sara akua ti Jéhovah so mbi peut ti sara. Mbi leke na bê ti mbi ti ngbâ ti sara na Jéhovah. Legeoko tongana Gédéon na azo ti lo 300, so ala kue afatigué me ala ngbâ gï ti tiri, mbi yeke ngbâ ti sara ngangu.”—aJu. 8:4.

16. Tapande ti a-ange afa na e nyen?

 ¹⁶ A-ange so angbâ be-ta-zo ayeke mbeni nzoni tapande ndali ti e. Na ngoi ti komandema ti Gbia Achab, Jéhovah ahunda na a-ange ti fa tongana nyen la ala yeke handa sioni Gbia Achab. Ambeni ange afa ambeni ye. Me Nzapa asoro ti mbeni oko lo tene na lo so ye so lo ye ti sara ayeke nzoni (1 aGbia 22:19-22). Eskê tanga ti a-ange adécouragé, ala tene: ‘Ngbanga ti nyen la mbi buba ngoi ti mbi ti fa mbeni ye?’ Oko ape! A-ange asara ka terê ti ala kete mingi na ala ye ti tene gloire kue ague na Jéhovah.—aJu. 13:16-18; Apoc. 19:10.

17. Nyen la e doit ti sara tongana e découragé ndali ti so e wara pëpe mbeni mbilimbili kua na yâ ti bungbi ti Jéhovah?

¹⁷ Girisa ape so e yeke na pasa ti duti aTémoin ti Jéhovah nga ti fa tënë ti Royaume ti lo. E peut ti wara akua na yâ ti bungbi nga e peut ti perdre ni, me a yeke pëpe akua so la asara si Nzapa abâ e na nene ni mingi. A yeke na ngoi so e sara terê ti kete la Jéhovah nga na aita ti e ayeke ye e mingi. Tongaso, voro yanga na Jéhovah ti aidé mo ti ngbâ ti sara terê ti mo kete. Gbu li na ndö ti nzoni tapande ti azo mingi so asara terê ti ala kete so a sara tënë ti ala na ya ti Bible. Na bê ti mo wani, sara kua ndali ti aita ti mo na alege kue so mo lingbi ti sara ni.—Ps. 138:6; 1 Pi. 5:5.

18-19. Même tongana, na bango ni, azo ti territoire ti mo aye ti mä nzoni tënë ape, tongana nyen la mo lingbi ti ngbâ ti fa tënë na ngia?

¹⁸ Eskê na ambeni ngoi mo découragé ndali ti so na bango ni azo ti territoire ti mo aye ti mä nzoni tënë ape wala ndali ti so mo yeke wara azo mingi na yanga-da ape? Tongana a yeke tongaso, nyen la mo peut ti sara ti ngbâ ti duti na ngia wala ti duti na ngia mingi? Mo yeke wara mbeni nzoni wango na yâ ti encadré “ Aye so mo peut ti sara ti wara ngia mingi na fango tënë.” A yeke nga kota ye ti duti na nzoni bango ndo na ndö ti fango tënë. Mo yeke wara ni tongana nyen?

¹⁹ Zia li ti mo angbâ na ndö ti fango iri ti Nzapa nga na Royaume ti lo. Jésus afa polele so gï kete wungo ti azo la ayeke wara lege so ague na fini (Mat. 7:13, 14). Na ngoi so e yeke na fango tënë, e yeke na pasa ti sara kua maboko na maboko na Jéhovah, na Jésus nga na  a-ange (Mat. 28:19, 20; 1 aCor. 3:9; Apoc. 14:6, 7). Jéhovah ayeke gi azo so aye ti voro lo (Jean 6:44). Tongaso, tongana mbeni zo aye ti mä e laso ape, lo peut ti mä e ti peko.

20. Tongana e découragé, tongana nyen la Jérémie 20:8, 9 alingbi ti mû maboko na e ti hon ndö ni?

²⁰ E lingbi ti manda aye mingi na lege ti prophète Jérémie. Nzapa amû na lo mbeni territoire so azo ni aye ti mä fango ye ti lo ape. Azo ayeke zonga lo nga ala yeke he lo “na yâ ti lango ni kue.” (Diko Jérémie 20:8, 9.) So lo découragé mingi, na mbeni ngoi lo ye ti zia ti fa tënë, me lo sara ni ape. Ndali ti nyen? Ndali ti so tënë ti Jéhovah aga tongana wâ na yâ ti bê ti lo, na lo peut ti ngbâ ti pete ndö ni ape. E lingbi ti sara ye tongana lo tongana e manda Bible lâ na lâ nga e gbu li na ndö ni nzoni. Tongaso, e lingbi ti duti na ngia mingi na fango tënë nga peut-être azo mingi ayeke mä e.—Jér. 15:16.

21. Atâa nyen la asara si e découragé, e lingbi ti hon ndö ni tongana nyen?

²¹ Déborah, so e sara tënë ti lo fade, atene: “Mbeni kpengba ye ti bira so Satan ayeke sara na kua ayeke ti sara si e decouragé.” Me Jéhovah Nzapa ayeke na ngangu mingi ahon Satan nga na aye ti bira ti lo kue. Tongaso, atâa nyen la asara si mo découragé, voro yanga na Jéhovah ti mû maboko na mo. Lo yeke aidé mo ti hon ndö ti awokongo ti mo. Lo yeke aidé mo na ngoi so terê ti mo ason. Lo yeke aidé mo ti duti na nzoni bango ndo na ndö ti akua so a yeke mû na zo na yâ ti bungbi. Nga lo yeke aidé mo ti duti na ngia na fango tënë. Tongaso, zi bê ti mo na Babâ ti mo ti yayu. Tongana mo découragé, mo lingbi ti hon ndö ni grâce na mungo maboko ti lo.