NDALI TI AKOLI NA AWALI
1: Duti be-ta-zo na mba
TËNË SO AYE TI TENE NYEN?
Akoli na awali so ayeke be-ta-zo na mba abâ mariage ti ala tongana mbeni songo so ayeke ngbâ biani biani, na ye so ayeke sara si ala duti nzoni. Zo oko oko ayeke na confiance so mba ti lo ni ayeke ngbâ gï na lo, même na yâ ti angangu kpale.
Ambeni koli na wali angbâ na mba gï ndali ti lê ti akamarade ti ala wala afami. Me a yeke nzoni ala duti be-ta-zo na mba ndali ti so ala ye terê nga ala ne mba.
MAMA-NDIA TI BIBLE: “A yeke nzoni mbeni koli azia wali ti lo pëpe.”—1 aCorinthien 7:11.
“Tongana mo leke na bê ti mo ti duti be-ta-zo na zo so mo sara mariage na lo, a yeke sara si bê ti mo ayeke son hio hio ape. Mo yeke duti nduru ti pardonné lo nga ti hunda pardon. Mo yeke bâ akpale so ala wara tongana mbeni ye so ala peut ti hon ndö ni, me pëpe tongana mbeni ye so apeut ti sara si ala sara divorce.”—Micah.
NGBANGA TI NYEN A YEKE KOTA YE?
Mingi ni tongana koli na wali awara kpale, si ala leke na bê ti ala ti duti be-ta-zo na mba ape, ala yeke tene ka so ‘a leke koli wala wali so ngbanga ti mbi ape’ na ala yeke gi ti sara divorce.
“Mingi ti azo ayeke sara mariage na tenengo na yâ ti li ti ala so tongana a marché ape, ala yeke sara divorce. Me tongana azo so asara mariage ayeke déjà na mara ti pensé tongaso, a fa so gï na tongo nda ni, ala leke na bê ti ala kue ape ti ngbâ gï na mba ti ala ni.”—Jean.
YE SO MO PEUT TI SARA
HUNDA TERÊ TI MO
Na ngoi so ala yeke papa . . .
-
Eskê mo regretté so mo sara mariage na koli wala wali ti mo ni so?
-
Eskê mo pensé ti vivre na mbeni zo nde?
-
Mo yeke tene ka mo tene: “Mbi yeke ke mo” wala “Mbi yeke gue ti gi mbeni zo nde so aye mbi?”
Tongana mo tene “En” gï na oko ti ahunda so, sara hio ti kpengba songo ti mariage ti mo.
SARA LISORO NA KOLI WALA WALI TI MO
-
Eskê yengo so e ye na terê ayeke tongana ti kozo? Tongana a yeke tongaso ape, raison ni ayeke nyen?
-
Nyen la e lingbi ti sara ti tene e kiri e ye terê mingi?
AWANGO
-
Na ambeni ngoi, sara mbeni mbeti ti fa na koli wala wali ti mo so mo ye lo
-
Fa so mo ye ti duti be-ta-zo na lo na lege so mo yeke zia afoto ti lo na ndö ti bureau ti mo na place ti kua
-
Iri koli wala wali ti mo, wala tokua na lo message lakue na ngoi so mo yeke na kua wala na mbeni ndo nde
MAMA-NDIA TI BIBLE: “Ye so Nzapa abungbi na gbe ti joug oko, zia zo akangbi yâ ni pëpe.”—Matthieu 19:6.
