Ti fa lege na molenge aye ti tene ti fa ye na lo. Ngoi na ngoi a ye nga ti tene ti suku na lo ndali ti so lo sara mbeni ye na lege ni ape. Me mingi ni a ye ti tene ti fa na lo aye so apeut ti aidé lo ti mû anzoni desizion kozo si kpale asi.

Na yâ ti angu so ahon, na yâ ti ambeni sewa, fango lege na amolenge ayeke dä encore ape. Ababâ na amama asara mbeto ti suku na amolenge ti ala ndali ti so ala pensé so peut-être ayeke sara si amolenge ni abâ terê ti ala so ala yeke ye oko ape. Me ababâ na amama so ayeke na ndara ayeke zia ambeni ndia na yâ ti sewa, na ala yeke fa na amolenge ni ti sara ye a lingbi na ni.

“A yeke nzoni ti fa na ala aye so ala peut ti sara na aye so ala doit ti sara ni ape tongaso si tongana ala kono, ala ga anzoni zo. Tongana a fa lege na ala ape, ala yeke mû ande asioni desizion.”—Pamela.

Sara ye alingbi na tënë ti yanga ti mo. Tongana molenge ti mo amä yanga ti mo ape, sara kue ti tene lo wara punition ti peko ti faute so lo sara. Me tongana lo mä yanga ti mo, gonda lo lakue.

“Mbi yeke gonda amolenge ti mbi lakue ndali ti so ala yeke mä yanga atâa so e yeke na yâ ti mbeni dunia so azo mingi ayeke mä yanga ape. Ti gonda ala asara si a yeke ngangu na ala pëpe ti yeda na apunition so ala yeke wara.”—Christine.

MAMA-NDIA TI BIBLE: “Ye so mbeni zo ayeke lu, gï ni la lo yeke ko ni ande.”—aGalate 6:7.

Sara ye ahon ndö ni ape. Punir molenge alingbi na ngu ti lo nga na faute so lo sara. Amolenge ayeke manda ye mingi na peko ti afaute so ala sara tongana apunition so ala wara andu gï faute so ala sara. Na tapande, tongana téléphone la lo sara kua na ni na lege ni ape, mo peut ti zi gï ni na maboko ti lo, wala mo zia si lo sara kua na ni mingi encore ape teti mbeni ngoi. Nga, gi pëpe ti sara ngonzo ahon ndö ni ndali ti mbeni kete faute so lo sara.

“Mbi yeke gi ti bâ wala molenge ti mbi ake yanga ti mbi na mbana wala pëpe. Kangbi ayeke na popo ti sioni fason so mbeni molenge ayeke na ni, so a bezoin ti corrigé lo ndali ni, nga na faute so lo sara so a bezoin gï ti fa ni na lo.”—Wendell.

MAMA-NDIA TI BIBLE: “Ala gi yanga ti amolenge ti ala pëpe, si bê ti amolenge ni awoko pëpe.”—aColossien 3:21, bâ kete tënë na gbe ni.

Ndoye ala. Amolenge ayeke yeda hio na punition so ala yeke wara na ala yeke changé tongana ala bâ so ndoye la apusu babâ wala mama ni ti punir ala.

“Tongana molenge ti e ti koli asara afaute, e yeke fa na lo so anzoni desizion so lo mû kozo anzere na e mingi. E yeke fa nga na lo so tongana lo changé, iri ti lo ayeke buba ande ndali ti faute so lo sara so ape nga e yeke dä ti aidé lo ti changé.”—Daniel.

MAMA-NDIA TI BIBLE: “Ndoye ahinga ti kanga bê ti ku nga lo sara nzoni na zo.”—1 aCorinthien 13:4.