Eskê ascientifique apeut ti fa tongana nyen la dunia nga na fini abâ gigi? Kiringo tënë ni ayeke ên-ën. Ambeni zo atene so ascientifique so amanda ye na ndö ti dunia apeut ti fa tongana nyen la dunia ni abâ gigi. Me, Marcelo Gleiser so ayeke professeur ti astronomie na université ti Dartmouth, so ahinga ape wala Nzapa ayeke dä, atene: “Ade e fa vraiment ape tongana nyen la dunia abâ gigi.”

Legeoko nga, mbeni mbeti (Science News) asara tënë na ndö ti lege so dunia abâ gigi atene: “A peut ti duti ngangu ti hinga tongana nyen la fini abâ gigi na ndö ti sese: Mingi ti atênë nga na abio so a wara na gbe ti sese so apeut fade ti fa ye so asi lani na ngoi so fini abâ gigi agirisa depuis awe.” Atënë so afa so ade ascientifique akiri tënë na question so ape, tongana nyen la dunia nga na fini abâ gigi?

Me mo peut ti hunda terê ti mo: ‘Tongana mbeni zo la acréé aye so ayeke na fini na ndö ti sese, zo ni so ayeke zo wa?’ Peut-être mo peut ti hunda nga aquestion so: ‘Tongana Lo so acréé aye kue so ayeke na ndara nga so lo ndoye e ayeke dä, ngbanga ti nyen la lo zia si azo ayeke bâ pasi? Ngbanga ti nyen la lo zia si abungbi ti Nzapa asi singo? Ngbanga ti nyen la lo zia si azo so atene ala yeke voro lo asara aye ti sioni mingi?’

Science apeut ti kiri tënë na ahunda so ape. Me aye ti tene ape so mo peut ape ti wara avrai kiringo tënë ni. Ti tâ tënë ni, azo mingi awara anzoni kiringo tënë na yâ ti Bible.

Tongana mo ye ti hinga ndani so ambeni scientifique so amû temps ti ala ti manda Bible na ala yeda so Lo so acréé aye kue ayeke dä, gue na ndö ti site jw.org. Pika tënë “Points de vue sur l’origine de la vie.”