මෙක්සිකෝ නගරය—යෙහෝවා දෙවිගේ සාක්ෂිකරුවන් 2014 දෙසැම්බර් 26-28 දක්වා පැවති සමුළුවක දී ‘ක්‍රිස්තියානි ග්‍රීක ශුද්ධ ලියවිල්ලේ නව ලොව පරිවර්තනය’ ට්සොට්සිල් භාෂාවෙන් මුදාහැරියා. එය පැවැත්තුවේ මෙක්සිකෝ නගරයේ චියාපාස්වල පිහිටි ටක්ස්ලා ගුත්තියාරේ නම් පළාතෙයි. “නොකඩවා දෙවිගේ රාජ්‍යයට මුල් තැන දෙන්න!” කියන ඒ තුන්දින සමුළුව පැවැත්තුවේ ට්සොට්සිල් කියන මායාවරුන්ගේ භාෂාවකින්. චියාපාස් නගරයේ කොමිටන්වල රැස්වෙලා හිටපු අයටත් එම සමුළුවේ දේශන ඇහෙන්න සැලැස්සුවා. බයිබලයට අමතරව සමුළුවට ආව 5,073 දෙනාට ට්සොට්සිල් භාෂාවෙන් තවත් අලුත් ප්‍රකාශන 6ක් ලබාගන්නත් පුළුවන් වුණා.

මෙක්සිකෝවේ සිටින යෙහෝවා දෙවිගේ සාක්ෂිකරුවෙක් වන ගමාලියෙල් කැමරිල්ලෝ පැවසුවේ මෙහෙමයි. “ක්‍රිස්තියානි ග්‍රීක ශුද්ධ ලියවිල්ලේ නව ලොව පරිවර්තනය ට්සොට්සිල් භාෂාවෙන් ලැබුණු එක අපිට හිතාගන්නවත් බෑ. අපි ආසාවෙන් බලාගෙන ඉන්නේ මේ භාෂාව කතා කරන අපේ අසල්වැසියන්ටත් ඒ ගැන කියන්න.”

එක් වාර්තාවකට අනුව මෙක්සිකෝවේ බාජා කැලිෆෝර්නියා, කාම්පේචේ, චියාපාස්, වහාකා, වෙරකෲස් යන පළාත්වල ට්සොට්සිල් භාෂාව කතා කරන අය 3,50,000ක් පමණ ඉන්නවා. ඒ හැම කෙනෙකුටම බයිබලේ පණිවිඩය බෙදාහරින්න ඕන නිසා පරිවර්තකයන් 15 දෙනෙක්ගෙන් යුත් පරිවර්තන කාර්යාලයක් චියාපාස්හි සැන් ක්‍රිස්ටොබල් ද ලස් කසස්වල යෙහෝවා දෙවිගේ සාක්ෂිකරුවන් පටන්ගත්තා. ඔවුන් ට්සොට්සිල් භාෂාවෙන් කළ පළවෙනි ප්‍රකාශනය මුදාහැරියේ 2002 දී. දැන් යෙහෝවා දෙවිගේ සාක්ෂිකරුවන්ට ට්සොට්සිල් භාෂාවෙන් ප්‍රකාශන 60කටත් වඩා ලබාගන්නත් ඒවා jw.org වෙබ් අඩවිය හරහා ඩවුන්ලෝඩ් කරගන්නත් පුළුවන්.

මාධ්‍ය ප්‍රකාශකයන්:

ජාත්‍යන්තර: ජේ. ආර්. බ්‍රවුන්, මහජන තොරතුරු අංශය, විමසීම්: +1 718 560 5000

මෙක්සිකෝව: ගමාලියෙල් කැමරිල්ලෝ, විමසීම්: +52 555 133 3048