මරියා මග්දලේනා කියන්නේ යේසුස් ක්‍රිස්තුස්ගේ විශ්වාසවන්ත අනුගාමිකයෙක්. සමහරවිට එයා ගලීල මුහුද ආසන්නයේ තිබුණු මගදානය කියන නගරයේ කාලයක් ජීවත් වෙන්න ඇති. ඒ නිසා වෙන්න ඇති එයාට මග්දලේනා කියන නම ලැබුණේ.

 යේසුස් සහ ඔහුගේ ගෝලයන් එක්ක ගමින් ගමට සංචාරය කරමින් එයාලට උදව් කරපු ස්ත්‍රීන් අතරේ මරියා මග්දලේනාත් හිටියා. (ලූක් 8:1-3) යේසුස් මිය ගිය විදිහ එයා ඇස් දෙකෙන්ම දැක්කා. ඒ විතරක් නෙවෙයි නැවත නැඟිටීමක් ලබපු යේසුස්ව මුලින්ම දැක්ක අය අතරෙත් එයා හිටියා.—මාක් 15:40; යොහන් 20:11-18.

•  මරියා මග්දලේනා ගණිකාවක්ද?

•  මරියා මග්දලේනා අපෝස්තුළුවරුන්ගේ අපෝස්තුළුවරියද?

•  මරියා මග්දලේනා යේසුස් ක්‍රිස්තුස්ගේ බිරිඳද?

•  මරියා කියන නම තියෙන කීදෙනෙක් ගැන බයිබලයේ සඳහන් වෙනවාද?

 මරියා මග්දලේනා ගණිකාවක් කියලා බයිබලයේ සඳහන් වෙන්නේ නැහැ. ඒ වෙනුවට බයිබලයේ එයාව හඳුන්වලා තියෙන්නේ භූතයන් හත්දෙනෙකුගෙන් නිදහස ලැබූ කෙනෙක් විදිහටයි.—ලූක් 8:2.

 එහෙමනම් මරියා මග්දලේනා ගණිකාවක් කියලා හුඟක් අය විශ්වාස කරන්නේ ඇයි? එයා මැරිලා අවුරුදු සිය ගාණක් ගියාට පස්සේ සමහරු කිව්වා තමන්ගේ කඳුළුවලින් යේසුස්ගේ කකුල් තෙමලා හිසකෙස්වලින් පිහදාපු කෙනා (පේන විදිහට එයා ගණිකාවක්) විදිහට බයිබලයේ හඳුන්වලා තියෙන්නේ මරියා මග්දලේනාව කියලා. (ලූක් 7:36-38) හැබැයි ඒ දේ විශ්වාස කරන්න බයිබලයේ කිසිම පදනමක් නැහැ.

 නැහැ. කතෝලික සභාව මරියා මග්දලේනාව ”අපෝස්තුළුවරුන්ගේ අපෝස්තුළුවරියක්” විදිහටත් සාන්තුවරියක් විදිහටත් හඳුන්වන්නේ යේසුස් නැවත නැඟිටලා කියන ආරංචිය අපෝස්තුළුවරුන්ට මුලින්ම දැනුම් දුන්නේ එයා නිසයි. (යොහන් 20:18) හැබැයි බයිබලයේ කිසිම තැනක මරියා මග්දලේනාව ”අපෝස්තුළුවරුන්ගේ අපෝස්තුළුවරියක්” විදිහට හඳුන්වලා නැහැ.—ලූක් 6:12-16.

 සම්පූර්ණ බයිබලය ලියලා ඉවර වුණේ ක්‍රි.ව. පළවෙනි සියවසේ අගභාගයේදියි. හැබැයි ක්‍රි.ව. හයවෙනි සියවසේදී තමයි කතෝලික සභාව මරියා මග්දලේනාව සාන්තුවරියක් විදිහට හැඳින්නුවේ. දෙවෙනි සහ තුන්වෙනි සියවස්වල ලියැවුණු පොත්වල සඳහන් වෙනවා යේසුස්ගේ සමහර අපෝස්තුළුවරුන්ට මරියා මග්දලේනා ගැන ඊර්ෂ්‍යාවක් ඇති වුණා කියලා. හැබැයි බයිබලයේ කිසිම තැනක එහෙම කියලා නැහැ.

 නැහැ. බයිබලයේ පැහැදිලිව සඳහන් වෙනවා යේසුස් විවාහ වුණේ නැහැ කියලා. a