බිලියන ගාණක් මිනිස්සු කියනවා එයාලා ක්‍රිස්තියානීන් කියලා. ඒත් එයාලාගේ විශ්වාසයන්, උගන්නන දේවල් එකකට එකක් වෙනස්. එහෙමනම් සැබෑ ක්‍රිස්තියානීන් කවුද කියලා අඳුරගන්නේ කොහොමද?

1. ක්‍රිස්තියානීන් කියන්නේ කාටද?

ක්‍රිස්තියානීන් කියන්නේ යේසුස් ක්‍රිස්තුස්ගේ ගෝලයන්ට නැත්නම් ඔහුගේ අඩිපාරේ යන අයට. (ක්‍රියා 11:26 කියවන්න.) යේසුස්ව අනුගමනය කරනවා කියලා එයාලා පෙන්නන්නේ කොහොමද? යේසුස් මෙහෙම කිව්වා. “ඔයාලා මගේ ඉගැන්වීම්වලට කීකරු වෙනවා නම් ඔයාලා ඇත්තටම මගේ ගෝලයන්.” (යොහන් 8:31) ඒ කියන්නේ සැබෑ ක්‍රිස්තියානීන් යේසුස්ගේ ඉගැන්වීම්වලට කීකරු වෙන්න ඕනෙ කියන එකයි. ඒ වගේම එයාලා විශ්වාස කරන්නේ බයිබලයේ තියෙන දේවල්. මොකද යේසුස් හැම වෙලාවෙම ඉගැන්නුවේ බයිබලයේ තියෙන දේවල්.—ලූක් 24:27 කියවන්න.

2. සැබෑ ක්‍රිස්තියානීන් ආදරේ පෙන්නන්නේ කොහොමද?

යේසුස් මෙහෙම කිව්වා. “මං ඔයාලට ආදරේ කරපු විදිහටම ඔයාලත් එකිනෙකාට ආදරේ කරන්න.” (යොහන් 15:12) ගෝලයන්ට ආදරෙයි කියලා යේසුස් පෙන්නුවේ කොහොමද? ඔහු එයාලත් එක්ක කාලය ගත කළා. එයාලට උදව් කළා. එයාලව සැනසුවා. එයාලා වෙනුවෙන් ජීවිතෙත් දුන්නා. (1 යොහන් 3:16) යේසුස්ව ඇත්තටම අනුගමනය කරන අය ආදරේ ගැන කියනවා විතරක් නෙමෙයි. එයාලා වැඩ කරන විදිහෙන් එකිනෙකාට තියෙන ඒ ආදරේ පැහැදිලිවම පෙන්නනවා.

3. සැබෑ ක්‍රිස්තියානීන් ප්‍රසිද්ධ මොනවා කරන අය හැටියටද?

“දෙවියන්ගේ රාජ්‍යය ගැන දේශනා කරන්න” යේසුස් ඔහුගේ ගෝලයන්ව යැව්වා. (ලූක් 9:2) ඒක තමයි ඔහු එයාලට කරන්න භාර දීපු වැඩේ. ඒ කාලේ හිටපු ක්‍රිස්තියානීන් දේශනා කළේ නමස්කාර කරන්න එයාලා එකතු වුණ තැන්වල විතරක් නෙමෙයි. එයාලා මිනිස්සු ගැවසෙන පොදු තැන්වලට සහ මිනිස්සුන්ගේ ගෙවල්වලට ගිහින් දේශනා කළා. (ක්‍රියා 5:42; 17:17 කියවන්න.) අදත් යේසුස්ගේ අනුගාමිකයන් මිනිස්සු ඉන්න ඕනෙම තැනකට ගිහින් බයිබලයේ තියෙන සත්‍ය ඉගැන්වීම් ගැන එයාලට කියලා දෙනවා. සහනයක් සහ බලාපොරොත්තුවක් ගේන බයිබලයේ තියෙන පණිවිඩය මිනිස්සුන්ට කියන්න එයාලා ගොඩක් මහන්සි වෙනවා. එයාලා හරිම කැමැත්තෙන් එහෙම කරන්නේ මිනිස්සුන්ට ආදරේ නිසයි.—මාක් 12:31.

 තවත් හොයමු

4. එයාලා බයිබලයේ තියෙන සත්‍ය ඉගැන්වීම් හොයනවා

5. එයාලා බයිබලයේ තියෙන සත්‍යයන් ගැන දේශනා කරනවා

 6. එයාලා උගන්නන දේවල් පිළිපදිනවා

සැබෑ ක්‍රිස්තියානි ආගම හොයාගත්තා කියලා තෝමස් තේරුම්ගත්තේ කොහොමද? වීඩියෝ එක බලලා මේ ප්‍රශ්න ගැන කතා කරන්න.

• තෝමස්ට ආගම් එපා වුණේ ඇයි?

• යේසුස්ගේ නියම අනුගාමිකයන් එයාට හම්බ වුණා කියලා එයාට විශ්වාස ඇයි?

අවවාදයට වඩා ආදර්ශය උතුම්. මතෙව් 7:21 කියවලා මේ ප්‍රශ්නය ගැන කතා කරන්න.

• යේසුස්ට වැඩියෙන්ම වටින්නේ ඔහු උගන්නන දේවල් විශ්වාස කරනවා කියලා කියන එකද නැත්නම් ඒ දේවලට අනුව අපි වැඩ කරන එකද?

7. එයාලා එකිනෙකාට ආදරෙයි

• යේසුස්ගේ ගෝලයන් ඒ කියන්නේ සැබෑ ක්‍රිස්තියානීන් වෙනත් ජාතියකට අයිති අයට සලකන්නේ කොහොමද?

• ඒ ජාතියේ අයත් එක්ක යුද්ධයක් තියෙන කාලෙකදී එයාලා මොනවා කරයිද?

 ඉගෙනගත්ත දේ

සැබෑ ක්‍රිස්තියානීන් බයිබලයේ තියෙන ඉගැන්වීම් පිළිපදිනවා. තමන් ගැනවත් හිතන්නේ නැතුව අනිත් අයට ආදරේ පෙන්නනවා. බයිබලයේ තියෙන සත්‍යයන් මිනිස්සුන්ට කියලා දෙනවා.

ඔයා හිතන්නේ මොකක්ද?

• සැබෑ ක්‍රිස්තියානීන් විශ්වාස කරන දේවල් අරන් තියෙන්නේ කොහෙන්ද?

• සැබෑ ක්‍රිස්තියානීන්ව අඳුරගන්න පුළුවන් එයාලට තියෙන මොන ගුණාංගය නිසාද?

• සැබෑ ක්‍රිස්තියානීන් කරන ප්‍රධාන වැඩේ මොකක්ද?