මීකා 3:1-12
3 මම මෙහෙම කිව්වා. “යාකොබ්ගේ පෙළපතට අයිති ප්‍රධානියෙනි,ඊශ්‍රායෙල්වරුන්ගේ නායකයෙනි,+ මං කියන දේට සවන් දෙන්න.
යුක්තිය ඉටු කරන එක ඔබේ වගකීම නෙවෙයිද?
2 ඒත් ඔබ යහපත් දේට පිළිකුල් කරලා+ දුෂ්ට දේට ඇලුම් කරනවා.+ඔබ මගේ සෙනඟගේ හම ඉරලා ඇටකටු පෑදෙන කල් මස් ගලවලා දානවා.+
3 ඔබ ඔවුන්ගේ මස් කාලා දානවා.+සතෙක්ගේ මස් විශාල හැළියකට දාලා උයන්න සූදානම් කරනවා වගේඔබ ඔවුන්ගේ හම ඉරලා, මස් කෑලි කෑලිවලට කපලා,ඇටකටු කඩලා පොඩි කරලා දානවා.+
4 ඒ කාලයේදී ඔවුන් යෙහෝවාගෙන් උදව් ඉල්ලයි.ඒත් ඔහු ඔවුන්ට උත්තර දෙන්නේ නැහැ.+
ඔවුන් කරන දුෂ්ට දේවල් නිසා+එදාට දෙවියන් ඔවුන්ගෙන් තමන්ගේ මුහුණ හංගගනියි.
5 අනාගතවක්තෘවරු දත්වලින් හපන ගමන්+ සාමය ප්‍රකාශ කරයි.*+ඒත් කෑමට කිසි දෙයක් දෙන්නේ නැති අයට විරුද්ධව ඔවුන් යුද්දේ ප්‍රකාශ කරයි.මගේ සෙනඟව මංමුළා කරන ඒ අනාගතවක්තෘවරුන්ට යෙහෝවා කියන්නේ මෙහෙමයි.+
6 ‘ඔබට රාත්‍රිය උදා වෙයි.+ ඔබට දර්ශන දකින්න ලැබෙන්නේ නැහැ.+ඔබට ඉතුරු වෙන්නේ අන්ධකාරය විතරයි. තවදුරටත් ඔබට පේන කියන්න බැරි වෙයි.
අනාගතවක්තෘවරු ආයෙත් කවදාවත් හිරු එළිය දකින්නේ නැහැ.ඔවුන්ට දවාල රාත්‍රිය වගේ පෙනෙයි.+
7 දිවැසිවරු ලැජ්ජාවට පත් වෙයි.+පේන කියන අයගේ බලාපොරොත්තු සුන් වෙයි.
ඔවුන්ට දෙවියන්ගෙන් කිසි පිළිතුරක් ලැබෙන්නේ නැහැ.ඒ නිසා ඔවුන්ට සිද්ධ වෙන්නේ ලැජ්ජාවෙන් මූණ* වහගන්නයි.’”
8 ඒත් යාකොබ් දෙවියන්ට විරුද්ධව කැරලිගහලා කරන වරද ගැනත්ඊශ්‍රායෙල්ගේ පාපය ගැනත් ඔවුන්ට පෙන්වලා දෙන්න,යෙහෝවා ඔහුගේ බලය නොඅඩුව දීලා මාව ශක්තිමත් කළා.යුක්තිගරුකවත් නිර්භීතවත් වැඩ කරන්න ඔහු මට උදව් කළා.
9 යාකොබ්ගේ පෙළපතේ ප්‍රධානියෙනි, ඊශ්‍රායෙල් නායකයෙනි,+මං කියන දේට ඇහුම්කන් දෙන්න.යුක්තියට පිළිකුල් කරන ඔබ හරි දේ කණපිට පෙරළනවා.+
10 ඔබ සියොන් නුවර ගොඩනඟන්න ලේ හලනවා.යෙරුසලම ඉදි කරන්න අධර්මිෂ්ඨකම් කරනවා.+
11 ඇගේ ප්‍රධානීන් විනිශ්චය කරන්නේ අල්ලස් අරගෙනයි.+පූජකයන් උපදෙස් දෙන්නේ මුදල්වලටයි.+අනාගතවක්තෘවරුන් සල්ලිවලට* පේන කියනවා.+
එහෙම කරලත් ඔවුන් යෙහෝවාගෙන් උදව් බලාපොරොත්තු වෙලා* මෙහෙම කියනවා.
“යෙහෝවා ඉන්නේ අපේ පැත්තෙනේ.+
ඒ නිසා අපිට කවදාවත් විපතක් වෙන්නේ නැහැ.”+
12 ඔබ කරන මේ දේවල් නිසා ඔබට වෙන්නේ මේකයි.කෙතක් හානවා වගේ සියොන්ව හානවා.යෙරුසලම නටබුන් ගොඩක් වෙනවා.+දේවමාලිගාව තියෙන කන්ද කැලෑවක් මැද තියෙන උස්බිමක් වගේ වෙනවා.+
පාදසටහන්
^ හෝ සමහරවිට, “කෑමට යමක් ලැබුණොත් සාමය ගැන ප්‍රකාශ කරයි.”
^ ඒ කියන්නේ ඔවුන්ගේ මූණේ යට කොටස. හෝ, “උඩු රැවුල.”
^ හෝ, “රිදීවලට.”
^ හෝ, “ඔවුන් යෙහෝවා මතයි රැඳිලා ඉන්නේ කියලා කියමින්.”
