යෙරෙමියා 3:1-25
3 “කෙනෙක් තමන්ගේ බිරිඳව දික්කසාද කළාට පස්සේ ඇය ගිහින් වෙනත් පුරුෂයෙක් එක්ක විවාහ වුණොත් මුල්ම පුරුෂයා ආපහු ඇයව භාරගන්න එක හරිද” කියලා සෙනඟ අහනවා.
දැනටමත් මේ දේශය හොඳටම අපවිත්‍ර වෙලා නැද්ද?+
“ඔබ ගොඩක් පුරුෂයන් එක්ක ගණිකාවක් වගේ හැසිරුණා.+දැන් ආපහු මං ළඟට හැරිලා එන එක හරිද” කියලා යෙහෝවා දෙවියන් අහනවා.
2 “ඔබේ ඇස් ඔසවා කඳු මුදුන් දිහා බලන්න.
ඔබ පුරුෂයන් එක්ක හිටියේ නැති තැනක් තියෙනවාද?
පාළුකරයේ ඉබාගාතේ යන කෙනෙක්* වගේඔබ ඔවුන් එන කල් පාරවල් අයිනට වෙලා බලාගෙන හිටියා.
ගණිකාවක් වගේ හැසිරිලා, දුෂ්ටකම් කරලාඔබ මේ දේශය අපවිත්‍ර කරනවා.+
3 ඒ නිසා දේශයට වැස්ස ලැබෙන්නේ නැහැ.+වසන්ත කාලෙවත් වර්ෂාව ලැබෙන්නේ නැහැ.
ඔබ* හරියට කිසිම ලැජ්ජාවක් නැතුව ගණිකාවක් විදිහට හැසිරෙන බිරිඳක් වගේ.ඒ ගැන ඔබට කිසිම ගාණක් නැහැ.+
4 ඒත් ඔබ දැන් මට අඬගහනවා.‘මගේ පියාණෙනි, තරුණ කාලේ ඉඳන්ම මගේ හොඳම මිතුරා ඔබයි.+
5 ඔබ හැමදාම අපිත් එක්ක තරහෙන් ඉන්න එක හරිද?
හැමදාම අමනාපයෙන් ඉන්න එක හරිද’ කියලා ඔබ අහනවා.එහෙම කියකිය ඔබ කරන්න පුළුවන් හැම දුෂ්ට දෙයක්ම දිගටම කරනවා.”+
6 යොෂියා+ රජ පාලනය කරපු කාලේදී යෙහෝවා දෙවියන් මට මෙහෙම කිව්වා. “‘ඊශ්‍රායෙල් වැඩ කරන්නේ අවිශ්වාසවන්ත විදිහටයි. ඇය කරලා තියෙන දේවල් ඔයා දැක්කාද? ගණිකාවක් වගේ හැසිරෙන්න ඇය හැම කඳු මුදුනකටමත් සරුවට වැඩුණු හැම ගහක් යටටමත් ගියා.+
7 ඇය ඒ හැම දෙයක්ම කළාට පස්සෙත් මං ළඟට ආපහු එන්න කියලා මං ආයේ ආයේ ඇයට කිව්වා.+ ඒත් ඇය ආපහු ආවේ නැහැ. ද්‍රෝහි විදිහට වැඩ කරන තමන්ගේ සහෝදරිය දිහා යූදා දිගටම බලාගෙන හිටියා.+
8 මම ඒ දේවල් දැක්කාම මට ද්‍රෝහි වෙලා අනාචාරයේ යෙදුණ+ ඊශ්‍රායෙල්ට දික්කසාද ලියවිල්ලක් දීලා+ මම ඇයව පිටත් කරලා යැව්වා. ඒත් ද්‍රෝහි විදිහට වැඩ කරපු ඇගේ සහෝදරිය වන යූදාට කිසිම බයක් දැනුණේ නැහැ. ඇයත් පිටතට ගිහින් ගණිකාවක් වගේ හැසිරුණා.+
9 ඇය* ගණිකාවක් විදිහට හැසිරෙන එක සැහැල්ලුවට ගත්තා. ඇය ගස් ගල්වලට වැඳ වැටිලා අනාචාරයේ යෙදුණා.+ ඒ විදිහට ඇය දිගින් දිගටම දේශය අපවිත්‍ර කළා.
10 ඒ හැම දෙයක්ම වුණාට පස්සෙත් ද්‍රෝහි විදිහට වැඩ කරන ඇගේ සහෝදරිය වන යූදා මුළු හදවතින්ම මං ළඟට හැරිලා ආවේ නැහැ. ඇය කළේ රඟපෑමක් විතරයි’ කියලා යෙහෝවා කියනවා.”
11 ඊටපස්සේ යෙහෝවා මට මෙහෙම කිව්වා. “අවිශ්වාසවන්තව වැඩ කරපු ඊශ්‍රායෙල් ද්‍රෝහි විදිහට වැඩ කරපු යූදා තරම්ම වැරදිකාරියක් නෙමෙයි.+
12 දැන් ගිහින් උතුරේ ඉන්න අයට මේ පණිවිඩය කියන්න.+
“‘“කැරලිකාර ඊශ්‍රායෙල් සෙනඟෙනි, ආපහු හැරිලා එන්න” කියලා යෙහෝවා කියනවා.’+ ‘“මම කේන්තියෙන් ඔබ දිහා බලන්නේ නැහැ.+ මොකද මම විශ්වාසවන්ත කෙනෙක්” කියලා යෙහෝවා කියනවා.’ ‘“මම හැමදාටම ඔබ එක්ක අමනාපයෙන් ඉන්නේ නැහැ.
13 හැබැයි ඔබේ දෙවි වන යෙහෝවාට විරුද්ධව ඔබ කැරලිගහපු එක වැරදියි කියලා පිළිගන්න. සරුවට වැඩුණු හැම ගහක් යටම ඔබ නාඳුනන අයත්* එක්ක එකට හිටියා. ඒත් මගේ හඬට ඔබ කීකරු වුණේ නැහැ” කියලා යෙහෝවා කියනවා.’”
14 යෙහෝවා මෙහෙම කියනවා. “කැරලිකාර පුත්‍රයෙනි, ආපහු හැරිලා මං ළඟට එන්න. ඔබේ එකම ස්වාමියා* මමයි. ඔබේ හැම නුවරකින්ම එක් කෙනා ගාණෙත් ඔබේ හැම පවුලකින්ම දෙන්නා ගාණෙත් එකතු කරලා මං ඒ අයව සියොන්වලට ගේනවා.+
15 ඔබව රැකබලා ගන්න මගේ හිත සතුටු කරන විදිහට වැඩ කරන එඬේරුන්ව මං පත් කරනවා.+ ඔවුන් ඔබට දැනුම සහ අවබෝධය ලබා දෙයි.
16 ඒ කාලේදී ඔබට ගොඩක් දරු මුනුපුරන් ලැබිලා ඔබේ ගණන වැඩි වෙයි” කියලා යෙහෝවා කියනවා.+ “එදාට යෙහෝවා දෙවියන්ගේ ගිවිසුම් පෙට්ටිය ගැන කිසිම කෙනෙක් කතා කරන්නේ නැහැ. ඒ ගැන සිහි වෙන්නෙවත් ඔවුන් ඒක මතක් කරන්නෙවත් නැහැ. ඒක නැති අඩුව ඔවුන්ට දැනෙන්නේ නැහැ. ආපහු ඒක හදන්නෙත් නැහැ.
17 ඒ දවස්වලදී ඔවුන් යෙරුසලමට යෙහෝවා දෙවියන්ගේ සිංහාසනය කියලා කියයි.+ යෙහෝවාගේ නමට ප්‍රශංසා කරන්න හැම ජාතියකටම අයිති අයව යෙරුසලමට රැස් කරයි.+ ඔවුන් ඔවුන්ගේ හිතුවක්කාර, නපුරු හිත කියන විදිහට තවත් වැඩ කරන්නේ නැහැ.”
18 “ඒ කාලේදී යූදා සෙනඟ ඊශ්‍රායෙල් සෙනඟ එක්ක එකට ඇවිදගෙන එයි.+ ඔවුන් උතුරේ තියෙන දේශයෙන් පිටත් වෙලා මම ඔවුන්ගේ මුතුන්මිත්තන්ට උරුමයක් විදිහට දුන්න දේශයට එයි.+
19 මං හරිම ආසාවෙන් ඔබට හොඳම දේශය දීලා මගේ පුතුන් අතරේ තැනක්* ඔබට දුන්නා. ඔබට උරුමයක් විදිහට දුන්නේ ජාතීන් අතරේ තියෙන ලස්සනම දේශය.+ ඔබ මට ‘මගේ තාත්තේ’ කියලා කතා කරයි කියලත් මාව අතහරින්නේ නැතුව දිගටම මගේ පස්සෙන් එයි කියලත් මං හිතුවා.
20 ‘ඒත් ඊශ්‍රායෙල්වරුනි, ස්වාමිපුරුෂයාට ද්‍රෝහි වෙලා ඔහුව අතහැරලා යන බිරිඳක් වගේ ඔබ මට ද්‍රෝහි වෙලා මාව අතහැරලා ගියා’+ කියලා යෙහෝවා කියනවා.”
21 කඳු මුදුන්වලින් හඬක් ඇහෙයි.ඒ ඇහෙන්නේ ඊශ්‍රායෙල් සෙනඟ වැලපෙන හඬයි. ඔවුන් කන්නලව් කරන හඬයි.මොකද ඔවුන් යෙහෝවාව අමතක කරලා,+වැරදි මාර්ගවල ගමන් කළා.
22 “කැරලිකාර පුත්‍රයෙනි, ආපහු හැරිලා එන්න.
මම ඔබව සුව කරනවා. ඔබ තවත් කැරලිකාර විදිහට වැඩ කරන්නේ නැහැ.”+
“යෙහෝවා, ඔබයි අපේ දෙවියන්!+බලන්න! අපි ආපහු ඔබ ළඟට ආවා.
23 වෙන දෙවිවරුන් වෙනුවෙන් කඳු හෙල්වල කෑගගහා උත්සව පවත්වලා අපි අපිවම රවට්ටගත්තා.+
ඒත් ඊශ්‍රායෙල්ට ගැලවීම ලැබෙන්නේ අපේ දෙවි යෙහෝවා වන ඔබෙන් විතරයි.+
24 අපේ මුතුන්මිත්තන් මහන්සි වෙලා ලබාගත්ත දේවල් පිළිකුල් දේ* නිසා අපිට නැති වුණා. ඒක අපේ තරුණ කාලේ ඉඳන්ම වුණා.+ඔවුන්ට අයිති එළු බැටළු රැළවලුත්ඔවුන්ගේ දරුදැරියනුත් නැති වුණා.
25 ලැජ්ජාවට පත් වුණ අපි දැන් බිම වැතිරිලා ඉමු.අපි නින්දාවට පත් වුණා කියලා දැන් පිළිගමු.මොකද අපි අපේ දෙවි වන යෙහෝවාට විරුද්ධව වැරදි කළා.+අපේ තරුණ කාලේ ඉඳලා අද වෙන කල් අපිත් අපේ පියවරුනුත් වැරදි කළා.+අපි අපේ දෙවි වන යෙහෝවාගේ හඬට කීකරු වුණේ නැහැ.”
පාදසටහන්
^ මූ.අ., “අරාබි ජාතිකයෙක්.”
^ මූ.අ., “ඔබේ නළල.”
^ මෙතන කතා කරන්නේ ඊශ්‍රායෙල් ගැන වෙන්න පුළුවන්.
^ හෝ, “වෙනත් දෙවිවරුන්.”
^ හෝ සමහරවිට, “ස්වාමිපුරුෂයා.”
^ ඒ කියන්නේ සාමාන්‍යයෙන් පුතුන්ට වෙන් කරලා තියෙන උරුමය.
^ හෝ, “දෙවියා.”
