යෙරෙමියා 48:1-47
-
මෝවබ්වරුන්ට විරුද්ධව කියපු අනාවැකිය (1-47)
48 ස්වර්ගයේ සේනාවල අධිපති සහ ඊශ්‍රායෙල්වරුන්ගේ දෙවි වන යෙහෝවා මෝවබ්+ ගැන මෙහෙම කියනවා.
“නෙබෝවලට+ වුණ විපත කොච්චර දරුණුද! ඇයව විනාශ කරලා.
කිර්යතායිම්+ ලැජ්ජාවට පත් කරලා, ඒක අල්ලගත්තා.
බලකොටුව ලැජ්ජාවට පත් කරලා, ඒක කෑලි කෑලිවලට කඩලා දාලා.+
2 ඔවුන් මෝවබ් ගැන තවත් වර්ණනා කරන්නේ නැහැ.
හෙෂ්බොන්වලදී+ ඔවුන් ඇයව විනාශ කරන්න කුමන්ත්‍රණය කළා.
‘එන්න, අපි ඇයව විනාශ කරමු. ඒ ජාතිය නැත්තටම නැති කරමු’ කියලා කුමන්ත්‍රණය කළා.
මද්මෙන්, ඔබත් නිහඬ වෙන්න.මොකද කඩුව ඔබ පස්සෙන් එළවගෙන එනවා.
3 හෝරනායිම්වලින් අඬා වැලපෙන හඬක් ඇහෙනවා.+මොකද ඔවුන් පිටට විනාශයකුත් මහ විපතකුත් ආවා.
4 මෝවබ් විනාශ වෙලා ගියා.
ඇගේ කුඩා දරුවන් කෑගහලා අඬනවා.
5 ලූහිත්වලට නැඟගෙන යන පාර දිගේ සෙනඟ අඬඅඬ යනවා.
හෝරනායිම්වල ඉඳන් බැහැගෙන යන අය සිද්ධ වුණ විපත ගැන වැලපෙන හඬ ඔවුන්ට ඇහෙනවා.+
6 ඔබේ ජීවිතය බේරගන්න පලා දුවන්න.
පාළුකරයේ තියෙන ජුනිපර් ගහක් වගේ වෙන්න.
7 ඔබ ඔබේම සාර්ථකත්වය සහ ධන සම්පත් ගැන විශ්වාසය තිබ්බා.ඒ නිසා ඔබව යටත් කරගන්නවා.
කෙමොෂ්+ වහල්කමට යනවා.ඔහුගේ පූජකයන් සහ අධිපතීන් එක්කම ඔහු වහල්කමට යනවා.
8 විනාශ කරන්නා හැම නගරයකටම කඩා පනියි.කිසිම නගරයකට ඔහුගෙන් බේරෙන්න බැහැ.+
යෙහෝවා කියපු විදිහටම නිම්නය* විනාශ වෙලා යනවා.තැනිතලාව* සම්පූර්ණයෙන්ම විනාශ වෙලා යනවා.
9 මෝවබ්ට පාර පෙන්නන්න මං සලකුණක් හිටවන්න.මොකද ඇය විනාශ වෙද්දී ඇය පලා දුවයි.ඇගේ නගරවලට වෙන දේ දැකලා මිනිස්සු පුදුම වෙයි.ඒවා කිසිම කෙනෙක් නැති නටබුන් ගොඩක් වෙයි.+
10 යෙහෝවා භාර දුන්න වැඩේ හරියට නොකරන කෙනාට ශාප වේවා!
ලේ හලන්න කඩුව පාවිච්චි නොකරන කෙනාට ශාප වේවා!
11 මෝවබ්වරු තරුණ කාලේ ඉඳන් නිවිහැනහිල්ලේ ජීවත් වුණා.ඔවුන් හරියට මණ්ඩි බහින කල් තියලා තියෙන වයින් වගේ.
ඔවුන්ව භාජනයකින් භාජනයකට වක් කළේ නැහැ.ඔවුන් කවදාවත් වහල්කමට ගිහින් නැහැ.
ඔවුන්ගේ රසය වැඩි වුණේවත්සුවඳ වෙනස් වුණේවත් නැත්තේ ඒ නිසයි.
12 “‘බලන්න! ඔවුන්ව පෙරළලා දාන්න මම මිනිස්සුන්ව එවනවා. ඒ කාලය එනවා’ කියලා යෙහෝවා කියනවා. ‘ඒ මිනිස්සු ඇවිත් ඔවුන්ව පෙරළලා දාලා ඔවුන්ගේ භාජන හිස් කරයි. ඔවුන්ගේ විශාල බඳුන් කෑලි කෑලිවලට කඩලා දායි.
13 කෙමොෂ් නිසා මෝවබ්වරු ලැජ්ජාවට පත් වෙයි. බෙතෙල් ගැන ලොකු විශ්වාසයකින් හිටපු ඊශ්‍රායෙල්වරු ඒ ගැන ලැජ්ජාවට පත් වුණ විදිහටම ඔවුනුත් ලැජ්ජාවට පත් වෙයි.+
14 “අපි යුද්ධයට ලෑස්ති පිට ඉන්න දක්ෂ සෙබළු”+ කියලා ඔබ කටක් ඇරලා කියන්නේ කොහොමද?’
15 ‘මෝවබ්ව විනාශ කරලා,ඇගේ නගර යටත් කරගෙන,+ඇයට හිටපු හොඳම තරුණයන්වත් මරලා දාලා’+ කියලා
ස්වර්ගයේ සේනාවල අධිපති වන යෙහෝවා කියලා හඳුන්වන රජාණන් කියනවා.+
16 මෝවබ්වරුන්ගේ විනාශය අත ළඟයි.ඔවුන් ළඟදීම වැටිලා යනවා.+
17 ඔවුන් දිනාගෙන තියෙන නම ගැන දන්න,ඔවුන් අවට ඉන්න හැමෝම ඔවුන්ට අනුකම්පා කරයි.
‘අලංකාර සැරයටිය, ශක්තිමත් දණ්ඩ කැඩිලා ගිය විදිහ බලන්න’ කියලා ඔවුන්ට කියන්න.
18 දීබොන්වල+ ජීවත් වෙන දියණිය, ඔබේ තේජවත් තත්වය අතහැරලා පහතට බහින්න.පිපාසයෙන් ඉඳගෙන ඉන්න.*මොකද මෝවබ්ව විනාශ කරන්නා ඔබට විරුද්ධව ඇවිත් ඉන්නවා.ඔහු ඔබේ බලකොටු විනාශ කරලා දානවා.+
19 අරෝයේර්වල+ ජීවත් වෙන සෙනඟෙනි, පාර ළඟට ගිහින් බලාගෙන ඉන්න.
පලා දුවන පුරුෂයන්ගෙනුයි, බේරිලා යන ස්ත්‍රීන්ගෙනුයි ‘මොකද වුණේ’ කියලා අහන්න.
20 මෝවබ්ව ලැජ්ජාවට පත් කරලා. ඇය බයෙන් වෙවුලනවා.
අඬා වැලපෙන්න. කෑගහලා අඬන්න.
මෝවබ් විනාශ වුණා කියලා ආනොන්වලදී+ ප්‍රකාශ කරන්න.
21 “දෙවියන් තැනිතලාව* පිටට තීන්දුව දීලා.+ ඔහු හෝලොන්, යහෂ්,+ මෙෆයත්,+
22 දීබොන්,+ නෙබෝ,+ බෙත්දිබ්ලාතායිම්,
23 කිර්යතායිම්,+ බෙත්ගමුල්, බෙත්මෙයොන්,+
24 කෙරියොත්,+ බොෂ්රා සහ ළඟපාත වගේම දුර ඈත තියෙන මෝවබ් දේශයේ හැම නගරයක් පිටටම තීන්දුව දීලා.
25 ‘මෝවබ්ගේ බලය* බිඳලා දාලා,ඔහුගේ අත කඩලා දාලා’ කියලා යෙහෝවා කියනවා.
26 ‘වෙරි වෙන කල් ඔහුට බොන්න දෙන්න.+ මොකද ඔහු යෙහෝවාටත් වඩා ඉහළින් යන්න හැදුවා.+
මෝවබ් තමන්ගේ වමනේ උඩ වැටිලා දඟලනවා.ඔහු හැමෝගෙම නින්දාවට ලක් වෙලා.
27 ඔබ ඊශ්‍රායෙල්ව නින්දාවට පත් කළේ නැද්ද?+
ඔහු දිහා බලලා ඔබ සමච්චලේට හිස වැනුවෙත් ඔහුට විරුද්ධව කතා කළෙත්ඔහු හොරකම් කරනවා ඔබ දැක්ක නිසාද?
28 මෝවබ්වල සෙනඟෙනි, නගර අතහැරලා ගිහින් පර්වතවල ජීවත් වෙන්න.පර්වත විවරවල කැදැල්ල හදාගෙන ඉන්න කොබෙයියෙක් වගේ ජීවත් වෙන්න.’”
29 “මෝවබ්ගේ ආඩම්බරකම ගැන අපි අහලා තියෙනවා.ඔහු හරිම උඩඟුයි, අහංකාරයි, උද්ධච්චයි. ඔහු හිටියේ ඔළුව උදුම්මගෙන.”+
30 “‘ඔහුට කේන්ති යන විදිහ මම දන්නවා’ කියලා යෙහෝවා කියනවා.‘ඒත් ඔහු දොඩවපු දේවල්වල කිසිම තේරුමක් නැහැ.
මහ ලොකුවට කියෙව්වත් ඔවුන් කිසිම දෙයක් කරන්නේ නැහැ.
31 මම මෝවබ් ගැන වැලපෙන්නේ ඒ නිසයි.මම මුළු මෝවබ් දේශය ගැනම අඬා වැලපෙනවා.කිර්හෙරෙස්වල පුරුෂයන් ගැන දුක් වෙනවා.+
32 සිබ්මාවල+ මිදිවැල, මම ඔබ ගැන අඬා වැලපෙනවා.යාසෙර්+ ගැන අඬා වැලපුණාට වඩා වැඩියෙන් මම ඔබ ගැන අඬා වැලපෙනවා.
සරුවට වැඩුණු ඔබේ අතු මුහුදෙන් එතෙරට විහිදිලා ගියා.
මුහුද දක්වාත් යාසෙර් දක්වාත් ඒවා විහිදිලා ගියා.
විනාශ කරන්නා ඇවිත්,ගිම්හාන කාලේ හැදෙන පලතුරුත් මිදි පලදාවත් විනාශ කළා.+
33 පලතුරු උයනෙන් ඇහෙන ප්‍රීති ඝෝෂා හඬ නැති වෙලා ගිහින්.මෝවබ් දේශයෙන් ඇහෙන සතුටු වෙන හඬ නැති වෙලා ගිහින්.+
මිදි පාගන යන්ත්‍රයෙන් වයින් එන එක මම නතර කළා.
කිසිම කෙනෙක් ප්‍රීති ඝෝෂා නඟමින් මිදි පාගන්නේ නැහැ.
ඝෝෂා නැඟුවත් ඒක ප්‍රීති ඝෝෂාවක් නෙමෙයි.’”+
34 “‘හෙෂ්බොන්වලින්+ වැලපෙන හඬක් ඇහෙනවා. ඒක එලෙයාලෙ+ දක්වා ඇහෙනවා.
ඔවුන් කෑගහන හඬ යහෂ්+ දක්වාම විහිදිලා යනවා.ෂොවර් ඉඳන් හෝරනායිම්+ වෙන කලුත් එග්ලත්ෂෙලීෂියා දක්වාත් ඒ හඬ විහිදිලා යනවා.
නිම්රිම්වල දිය පහරවල් පවා හිඳිලා යනවා.+
35 පූජනීය ස්ථානවලදී* ඔප්පු කරන්න පූජා අරන් එන අයවත්තමන්ගේ දෙවියාට පූජා ඔප්පු කරන අයවත්මම මෝවබ් දේශයෙන් නැති කරලා දානවා’ කියලා යෙහෝවා කියනවා.
36 ‘දුක්මුසු හඬක් නඟන බටනළාවක්* වගේ මගේ හදවත මෝවබ් වෙනුවෙනුත්+කිර්හෙරෙස්වල පුරුෂයන් වෙනුවෙනුත් වැලපෙනවා.
මොකද ඔහු හම්බ කරපු හැම වස්තුවක්ම විනාශ වෙනවා.
37 හැමෝම ඉන්නේ තමන්ගේ හිස් බූ ගාගෙන,+රැවුල් කපාගෙන.
හැමෝගෙම අත්වල කැපුම් පාරවල්.+හැමෝම ඉන්නේ ඉණ වටේ ගෝණි රෙදි ඇඳගෙන.’”+
38 “‘මෝවබ් දේශයේ ගෙවල්වල හැම වහලෙකින්ම,ඇගේ හැම හන්දියකින්මඇහෙන්නේ අඬා වැලපෙන හඬ විතරයි.
මොකද වීසි කරලා දාපු බඳුනක් වගේමම මෝවබ්ව කඩලා දැම්මා’ කියලා යෙහෝවා කියනවා.
39 ‘ඇය බය වෙලා ඉන්න විදිහ බලන්න! අඬා වැලපෙන්න.
මෝවබ් ලැජ්ජාවෙන් හැරිලා යන විදිහ බලන්න!
මෝවබ් හැමෝගෙම නින්දාවට ලක් වෙලා.මෝවබ්ට වෙන දේ දැකලා වටේ ඉන්න අය බයෙන් වෙවුලනවා.’”
40 “මොකද යෙහෝවා මෙහෙම කියනවා.
‘පියාපත් විහිදුවලා ගොදුර අල්ලගන්න වේගයෙන් පහළට එන රාජාලියෙක් වගේ+සතුරා මෝවබ්ව අල්ලගන්න එනවා.+
41 ඇගේ නගර සතුරා අල්ලගනියි.ඇගේ බලකොටු යටත් කරගනියි.
ඒ දවසේදී මෝවබ්වල ඉන්න යුධ දක්ෂයන්දරුවෙක් බිහි කරන ස්ත්‍රියක් වගේ අසරණ වෙනවා.’”
42 “‘මෝවබ් ජාතිය සම්පූර්ණයෙන්ම නැති කරලා දානවා.+මොකද ඔහු යෙහෝවාටත් වඩා ඉහළින් යන්න හැදුවා.+
43 මෝවබ්වල ජීවත් වෙන ඔබව වෙළාගන්න භීතිය බලාගෙන ඉන්නවා.ඔබව අහු කරගන්න බොරු වළකුත් උගුලකුත් තියෙනවා’ කියලා යෙහෝවා කියනවා.
44 ‘බයෙන් පැනලා දුවන කෙනා වළකට වැටෙයි.වළෙන් ගොඩ එන කෙනා උගුලකට අහු වෙයි.’
‘මොකද මෝවබ්ට දඬුවම් කරන අවුරුද්ද මම ගේනවා’ කියලා යෙහෝවා කියනවා.
45 ‘රැකවරණය හොයාගෙන හෙෂ්බොන්වලට එන අය අසරණ වෙනවා.
මොකද හෙෂ්බොන්වලින් ගින්නක් ඇවිළෙනවා.සීහොන්වලින්ම ගිනිදැල්ලක් නඟිනවා.+
ඒ ගින්න මෝවබ්ගේ හිසත්කලහාකාරී පුතුන්ගේ හිස්කබලත් පුච්චලා දානවා.’+
46 ‘මෝවබ්වරුනි, ඔබට මුහුණ දෙන්න වෙන්නේ මොන තරම් දරුණු විපතකටද!
කෙමොෂ්ගේ සෙනඟ+ නැත්තටම නැති වෙලා ගිහින්.
මොකද ඔබේ පුතුන්ව වහලුන් විදිහට අරන් ගිහින්.ඔබේ දූවරුන්ව ඔබේ දේශයෙන් අරන් ගිහින්.+
47 ඒත් මම අවසාන කාලේදී* වහලුන් විදිහට ඉන්න මෝවබ්වරුන්ව ආපහු එකට එකතු කරනවා’ කියලා යෙහෝවා කියනවා.
‘මෝවබ්ට දුන්න තීන්දුව මෙතනින් අවසන් වෙනවා.’”+
පාදසටහන්
^ හෝ, “තැනිතලාව.”
^ හෝ, “සානුව.”
^ හෝ සමහරවිට, “වියළි බිමක ඉඳගන්න.”
^ හෝ, “සානුව.”
^ මූ.අ., “අඟ.”
^ මූ.අ., “උස් තැන්වලදී.”
^ ඒ කියන්නේ මළ ගෙයක පිඹින බටනළාවක්.
^ ඒ කියන්නේ මෝවබ්වලින් බේරෙන අයව ආපහු එකතු කරන කාලේදී.
