සෙකරියා 5:1-11
5 මම ආයෙත් ඔළුව උස්සලා බලද්දී ලියවිල්ලක් අහසේ පාවෙනවා දැක්කා.
2 එතකොට දේවදූතයා මගෙන් ඇහුවා “ඔයාට මොනවාද පේන්නේ” කියලා.
“රියන්* 20ක් දිග, රියන් 10ක් පළල ලියවිල්ලක් අහසේ පාවෙනවා මට පේනවා” කියලා මං කිව්වා.
3 එතකොට එයා මට මෙහෙම කිව්වා. “මුළු පොළොව පිටටම එන ශාපය ගැන ඒකේ ලියලා තියෙනවා. ඒ ලියවිල්ලේ එක පැත්තක ලියලා තියෙන්නේ හොරකම් කරන අය+ පිටට එන ශාපය ගැනයි. මොකද ඒ අයට තවමත් දඬුවමක් ලැබිලා නැහැ. ඒකේ අනිත් පැත්තේ ලියලා තියෙන්නේ බොරුවට දිවුරන අය+ පිටට එන ශාපය ගැනයි. මොකද ඒ අයටත් තවම දඬුවමක් ලැබිලා නැහැ.
4 ස්වර්ගයේ සේනාවල අධිපති වන යෙහෝවා මෙහෙම කියනවා. ‘මම මේ ලියවිල්ල හොරාගේ ගෙදරටත් මගේ නමින් බොරුවට දිවුරන කෙනාගේ ගෙදරටත් යවලයි තියෙන්නේ. ඒ ලියවිල්ල ඒ අයගේ ගෙවල්වලට ඇතුල් වෙලා ඒ ගෙවලුත් ඒවාවල පරාලත් ගලුත් සම්පූර්ණයෙන්ම විනාශ කරලා දානවා.’”
5 මාත් එක්ක කතා කරපු දේවදූතයා මං ළඟට ඇවිත් මෙහෙම කිව්වා. “අහසේ දැන් පාවෙන්නේ මොකක්ද කියලා බලන්න.”
6 “ඒ මොකක්ද” කියලා මම ඇහුවා.
එතකොට එයා “ඒක ඒපා මිනුම් භාජනයක්.* මුළු පොළොව පුරාම දුෂ්ටකම් කරන අයගේ පෙනුමත් ඒ වගේ” කියලා කිව්වා.
7 ඊටපස්සේ මම දැක්කා වහලා තිබුණ භාජනයේ රවුම් ඊයම් පියන ඉවත් කරනවා. භාජනය ඇතුළේ ස්ත්‍රියක් වාඩි වෙලා හිටියා.
8 එතකොට දේවදූතයා “මේ ස්ත්‍රියගෙන් නියෝජනය වෙන්නේ දුෂ්ටකමයි” කියලා කිව්වා. ඊටපස්සේ එයා ඒ ස්ත්‍රියව ඇතුළට තල්ලු කරලා ඉක්මනින්ම ඊයම් පියනෙන් භාජනය වහලා දැම්මා.
9 මම ආයෙත් ඔළුව උස්සලා බලද්දී ස්ත්‍රීන් දෙන්නෙක් හුළඟ හමන දිහාවට පියාඹගෙන එනවා දැක්කා. එයාලාගේ පියාපත් මානකොකෙක්ගේ පියාපත් වගේ. එයාලා ඒ භාජනය අහසට උස්සගෙන ගියා.
10 එතකොට මාත් එක්ක කතා කරකර හිටපු දේවදූතයාගෙන් මං ඇහුවා “එයාලා ඒ භාජනය අරන් යන්නේ කොහෙටද” කියලා.
11 එයා මට මෙහෙම කිව්වා. “එයාලා ඒක අරන් යන්නේ ෂීනාර්*+ දේශයට. එයාලා එහෙට යන්නේ එයාට නිවසක් හදලා දෙන්නයි. ඒක හැදුවාට පස්සේ එයාව එහේ පදිංචි කරයි. එයා ඉන්න ඕනෙ තැන එතනයි.”
පාදසටහන්
^ මූ.අ., “ඒපාවක්.” මෙතන කතා කරන්නේ ඒපාවක් මනින්න පාවිච්චි කරන භාජනයක් හෝ කූඩයක් ගැනයි. ඒපාවක් කියන්නේ ලීටර් 22ක් (කි.ග්‍රෑ. 13ක්) අල්ලන මිනුම් භාජනයක්. උප. B14 බලන්න.
^ ඒ කියන්නේ බැබිලෝනියාව.
